काठमाडौँ । प्रधानमन्त्री केपी शर्मा ओली थप उपचारका लागि फेरी सिंगापुर जाने भएका छन् ।
यसअघि गत साउन १८ गते गएर २७ गते फर्किएका ओली ‘फलोअप’ का विहिबार सिंगापुर जान लागेका हुन् ।
यसअघि ओली सिंगापुर जाने खबर विभिन्न सञ्चारमाध्यमहरुमार्फत् बाहिरिएतापनि ओलीको सचिवालयले भने इन्कार गर्दै आएको थियो ।
प्रधानमन्त्री निकटका अनुसार प्रधानमन्त्रीलाई केही नयाँ औषधी चलाइएको र सोको फलोअपका लागि उनी फेरी सिंगापुर जान लागेका हुन् ।
प्रधानमन्त्री ओलीले सिंगापुरको सरकारी अस्पताल नेशलन युनिभर्सिटी हस्पिटलमा स्वास्थ्य परीक्षण गराएका थिए ।