- २०८१ बैशाख ७ शुक्रबार
काठमाडौँ । लियोनेल मेसी इन्जुरीको इन्जुरी ठिक नभएपछि ला लिगाको दोस्रो खेल पनि नखेल्ने भएका हुन् । आइतबार राति रियल बेटिसविरुद्धको खेलमा मेसी नखेल्ने भएको बार्सिलोनाले जानकारी दिएको छ ।
मेसीले यस सिजनको ला लिगाको पहिलो खेल समेत गुमाएका थिए । एथलेटिक क्लबविरुद्धको सो खेलमा बार्सिलोना १-० गोलले पराजित भएको थियो ।
मेसीले बेटिसविरुद्धको अन्तिम प्रशिक्षणमा समेत सहभागिता जनाएका थिएनन् । बार्सिलोना नयाँ सिजनकै सुरुमा इन्जुरीका कारण दबाबमा परेको छ । मेसीसहित लुइस स्वरेज र उसमान डेम्बेलेसमेत घाइते भएका काराण बेटिसविरुद्धको खेल खेल्ने छैनन् ।
बार्सिलोनाका प्रशिक्षकले इर्नेष्टो भालभेर्डोले मेसीको बारेमा कुनै रिस्क लिन नचाहेको बताएका छन् ।
मेसी गत महिना सम्पन कोपा अमेरिकाको तेस्रो स्थानको खेलमा अर्जेन्टिनाका लागि खेलेपछि कुनै खेल खेलेका छैनन् ।
को को छन् टिममा ?
साथै बेटिसविरुद्धको यो खेल डिफेन्डर जेरार्ड पिकेका लागि बार्सिलोनामा ५ सयौ खेल हुने छ । यस अघि सात खेलाडीले बार्सिलोनाका लागि ५ सयभन्दा बढी खेल खेलेका छन् ।
बार्सिलोनाका लागि जाभीले सबै भन्दा धेरै ७६७ खेल खेलेका छन् भने मेसीले ६८७, आन्द्रे इनेष्टाले ६७४, कार्लेस पुयेलले ५९४, मिगुएलीले ५४९, सेर्गी बस्क्वेटले ५३६ र भिक्टर भालडेसले ५३५ खेल खेलेका छन् ।
