पोखरा विश्वविद्यालयमा नमूना युवा संसद्

खरीबोट

पोखरा । पोखरा विश्वविद्यालय, मानविकी तथा सामाजिकशास्त्र सङ्काय र टोनी हागन फाउण्डेशन, काठमाडौंको संयुक्त आयोजनामा पोखरा विश्वविद्यालयमा एक दिवसीय नमूना युवा संसद् अभ्यास गरिएको छ ।

गण्डकी प्रदेशका लागि प्रभावकारी पर्यटन नीति र कार्यक्रमहरूमा संसदीय प्रस्ताव विषयक नमूना संसद्मा पोखरा क्षेत्रका ११ महाविद्यालय तथा कलेजमा अध्ययनरत ३२ महिला र २४ पुरुष गरी जम्मा ५६ स्नातक तहका विद्यार्थीको सहभागिता थियो ।

विद्यार्थीलाई प्रजातान्त्रिक प्रणालीअनुसार संसद्मा हुने संसदीय काम कारवाहीका विषय र पद्दतिका सम्बन्धमा यही भदौ ६ गते नेपाल संसद्का पूर्वसचिव तोयानाथ भट्टराई र पूर्वसांसद फटिक थापाले एक दिवसीय अभिमुखीकरण तालीम दिएका थिए । सोही तालीमका आधारमा विद्यार्थीले संसद्मा हुने र सञ्चालन गरिने पद्दतिका विषयमा विभिन्न भूमिका निर्वाह गरेका थिए ।

नमूना संसद्मा विद्यार्थीले ज्येष्ठ सांसद, सभामुख, पर्यटनमन्त्री, प्रमुख विपक्षी दलका नेता, सत्तापक्षका सचेतक, विपक्षी दलका सचेतक, सचिवालय सदस्य, वक्ता, मर्यादापालकजस्ता खास–खास पदको भूमिका निभाएका थिए । कार्यक्रममा प्रस्ताव दर्ता गर्ने, तिनको छनोट गर्ने, सभामुखबाट स्वीकृति प्रदान गर्ने, प्रस्तावको समर्थन र विरोध, अन्य पदाधिकारी छनोटका साथै सङ्कल्प प्रस्ताव पारित गर्न नमूना युवा संसद्मा मतदानसमेत गरिएको थियो ।

कार्यक्रममा टोनी हागन फाउण्डेशनका तर्फबाट फाउण्डेशनका अध्यक्ष प्रा डा प्रमोदकुमार झाले आगामी दिनमा यस्तो कार्यक्रमका लागि प्राविधिक सहयोग गर्न सकिने बताए । पोखरा विश्वविद्यालय, मानविकी तथा सामाजिकशास्त्र सङ्कायका डिन प्रा डा इन्द्रप्रसाद तिवारीले गण्डकी प्रदेशका विभिन्न महाविद्यालय तथा क्याम्पससँग सहकार्य गरी नमूना युवा संसद् सञ्चालन गर्न सकिने बताए । कार्यक्रमको अन्त्यमा टोनी हागनले नेपालका विभिन्न स्थानमा अध्ययन भ्रमणका क्रममा सङ्कलित सामग्रीका आधारमा बनाइएको ‘उहिलेको नेपाल’ नामक वृत्तचित्र देखाइएको थियो ।
 
कार्यक्रममा प्रा डा कृष्ण पौडेल र वसन्त थापाले नेपालका लागि टोनी हागनले गरेका महत्वपूर्ण योगदानको बारेमा समेत चर्चा गरे  फाउण्डेशनका तर्फबाट अध्यक्ष झाले टोनी हागनको केही प्रसिद्ध पुस्तक पोखरा विश्वविद्यालयलाई हस्तान्तरण गरे ।  अवसरमा नमूना संसद्मा सहभागी विद्यार्थीलाई सहभागिताको प्रमाणपत्र प्रदान गरिएको थियो । 

सम्बन्धित समाचार

पोखरामा बंगलादेशका राष्ट्रपति हमिदको स्वागतको तयारी पुरा 

पोखरा । बङ्गलादेशका राष्ट्रपति अब्दुल हमिद आज पर्यटकीय नगरी पोखरा आउँदै छन् । राष्ट्रपति हमिद आज बिहान ११:३० बजे नेपाली सेनाको हेलिकप्टरबाट पोखरा विमानस्थलमा आइपुग्ने कार्यक्रम रहेको प्रमुख जिल्ला अधिकारी रमेशकुमार

दशौँ पोखरा महोत्सवका लागि ३९ वटा उपसमिति गठन

पोखरा। युनाइटेड क्लबको आयोजनामा आगामी पुस २९ देखि माघ १२ गतेसम्म पोखराको अमरसिंह चौरमा हुने पोखरा महोत्सवका लागि ३९ वटा उपसमिति गठन गरिएको छ। दशौँ संस्करणको महोत्सव सम्पन्न गर्न महोत्सव आयोजक

पोखरा महानगरमा साझेदारीमा ‘स्मार्ट’ सार्वजनिक शौचालय निर्माण गरिने 

कास्की । पोखरा महानगरपालिकालगायतका सङ्घसंस्थाको लागत साझेदारीमा यहाँ एक ‘स्मार्ट’ सार्वजनिक शौचालय निर्माण गरिएको छ । महानगरको रु १४ लाख ४३ हजार ५८४, लायन्स अन्तर्राष्ट्रिय ३२५ बी–१ नेपालको रु पाँच लाख,

विश्वका पशु वैज्ञानिकहरुको भेला पोखरामा

कास्की । पर्यावरणमैत्री दिगो पशुपालनका वैज्ञानिक खोजबारे छलफल गर्ने उद्देश्यले सस्टेनेवल एनिमल अर्गिकल्चर फर डेभलपिङ कन्ट्रिज (एसएएडीसी)को सातौँ अन्तरराष्ट्रिय सम्मेलन शुक्रबारदेखि पोखरामा हुँदैछ ।  नेपाल भेटेरीनरी एशोसिएसनको आयोजनामा हुने चार दिने


z