बाबा ! कसरी बिर्सुँला र म ?

खरीबोट

आमा मामाघर जाँदा मैले पकाएको भात डढेपछी मलाई भोक छैन, तिमी माथी माथीको झिकेर खाउ भनेको
कसरी बिर्सुँला र म?

स्कुलमा खेल्दा लडेर जिउ भरी घाउ बनाएर आउँदा मेरो रोदनले रसाएका हजुरका आँखाहरु
कसरी बिर्सुँला र म?

चकलेट खाने मन गरिरहेको मेरो मन मार्न नसकेर चकलेट किनेपछी
ममिलाई नभन है?भन्दै जिस्क्याएको
कसरी बिर्सुँला र म?

अनि स्कुल जान्न भनेर रुँदौ गर्दा अहिले बस्दै गर म हाफ टाइममा लिन आउँछु भनेर झुक्क्याएको
कसरी बिर्सुँला र म?

म मैले बोक्न नसक्ने किताब बोकेर स्कुल जान्थेँ बाबा अहिले पनि उँहाले बोक्न नसक्ने तनाब बोकेर हिँडिरहनु हुन्छ
हिँड्दा हिँड्दै खुट्टा दुखेपछी मलाई काँधमा राखेर आफैँ भट्भाटे बनेको
कसरी बिर्सुँला र म ?

मैले पहिलो पटक घर छोड्दा रसाएका ती आँखाहरु
कसरी बिर्सुँला र म ?

घर छोडेपछिको पहिलो फोन कल जस्मा आखाँहरु रसाएर बोली फुटेका थिएनन्
कसरी बिर्सुँला र म ?

चाडवाड आउँदा दिन भरी मलाई सम्झिरहने त्यो मन
कसरी बिर्सुँला र म ?

दुनियाँले छोरी बिगारिस् भनिरहँदा गितार किनेर हातमा थमाइदिएको
कसरी बिर्सुँला र म ?

कबिता लेखेर सुनाए पिच्छे मेरो छोरीले गर्छ भन्ने त्यो वाक्य
कसरी बिर्सुँला र म ?

बाबाले हिजो भनेको कुरा आज म बिर्सुँला तर मैले बोलेको पहिलो शब्द र मिति बाबाले बिर्सिएको कुरा
कसरी बिर्सुँला र म ?

छोरी पुल्पुल्याइस् भनाओ, पुल्पुलिएकी छोरी र बाउको सम्बन्ध तिमीहरूलाई के थाहा ?
प्रोफिट र लसको हिसाब नआउँदा क्यालकुलेटर थिचेर सबै सिकाएको कुरा
कसरी बिर्सुँला र म ?

मेरो सानो उपलब्धीमा ठूलो खुसी मनाउने हजुरलाई
कसरी बिर्सुँला र म ?

मेरो छोरीले गर्छ भन्ने त्यो वाक्यकै सहारामा केही गर्ने अठोट लिएर हिँडिरहेकी छु
हजुरले सँधै देखाउने माया
कसरी बिर्सुँला र म ?

म निदाएको मुख नहेरी निन्द्रा नलाग्ने हजुरको मुख हेर्न म आज आउन सकिनँ
हजुरले काँधमा राखेर पुर्याएको त्यो अग्लो ठाउँमा सँच्चै पुग्न मन भएर होला
आज म हजुरको मुख हेर्न आउन सकिनँ

मैले पहिलो पटक बाबा भन्दा उफ्रेर जुन उचाइमा पुग्नु भएको थियो, सायद म भुइँ छोडेर त्यही उचाइमा पुग्न चहान्छु
त्यसैले म त्यहाँ आउन सकिनँ

हजुरले पसिना बगाएर मलाई जुनठाउँमा पुर्याउनु भएको छ, आज त्यही ठाउँबाट हजुरलाई भन्दै छु-
बुबा !! ह्यापी फादर्स डे !! 
 

सम्बन्धित समाचार

२३ लिम्बु कविहरु सम्मिलित कविता तङसिङ-२०७६ हुने

काठमाडौँ । याक्थुङ लेखक सङ्घ, उपत्यका समितिको आयोजनामा २३ जना लिम्बु कविहरु सम्मिलित कविता तङ्सिङ् -२०७६ हुने भएको छ । यही भदौ २८ गते, शनिबार राष्ट्रिय नाचघरको मिनीहलमा दिउँसो १२:३० बजे

म तिमीलाई सरकार मान्दिन (कविता) 

अहँ! म तिमीलाई सरकार मान्दिन । मैले कविता लेख्दै गर्दा मेरो कलमको मसि सकिन्छ अनि कलम किन्न जाँदा ७ रुपैँयाको कलममा कर लागेर १० रुपैयाँ हुन्छ भने म तिमीलाई सरकार मान्दिन । म जस्तै जनताहरुले

राष्ट्रिय कविता महोत्सवः धादिङका प्रभास प्रथम

काठमाडौँ । नेपाल प्रज्ञा–प्रतिष्ठानको  ६२ औँ वार्षिकोत्सवका अवसरमा आयोजित राष्ट्रिय कविता महोत्सव २०७६ मा धादिङका हेम प्रभास प्रथम भएका छन् । उनले ‘प्रदेश गएका पतिका नाममा’ शीर्षकको कविता प्रस्तुत गरेका थिए

एब्स्ट्रयाक्ट आर्ट (कविता)

सुदूर अतितको एक साँझ उही घुम्ति सडकको प्रथम घुम्तिको बाँया किनारमा बसी आफ्नै धोकेवाज प्रेयसीको यादमा लक्ष्यविमुख जिन्दगीको मौन परिभाषा खोजिरहेथ्यो एउटा मान्छे बलिरहेको चुरोट, उँडिरहेको धुँवा अनि फैलिरहेको गन्धमाझ     मौनताको बैकालभित्र आफ्नै आवाजले परिचय गुमाएको पल मान्छेहरू हिँडेपनि, बहानहरू गुँडेपनि कति


z