भारत चल्ने बस रोक्दै नेपालगन्जका होटल व्यवसायी

खरीबोट

बाँके । नेपालगन्जका होटल व्यवसायी नेपालगन्ज हुँदै भारतका विभिन्न शहरमा सञ्चालन भइरहेका यात्रुवाहक बस रोक्न सडकमा उत्रिएका छन् । पर्यटकीय इजाजत लिएर भारतका विभिन्न शहरमा यात्रु ओसार–पसार गर्ने नेपाली बसलाई रोक्नका लागि सरोकारवाला निकायलाई पटक–पटक अनुरोध गर्दा बेवास्ता गरेपछि आफैँले बस रोक्नु परेको होटल व्यवसायी सङ्घले जनाएको छ ।  बाँकेका अध्यक्ष भीम कँडेलले बताए ।  

नेपालगन्ज हुँदै दैनिक दर्जनभन्दा बढी गाडी नेपाल–भारतमा ओहोरदोहोर गर्ने गर्दछन् । भारततर्फ जाँदा दैनिक राति ९ बजेसम्म नेपालगन्ज नाका पार गर्ने बसहरु नेपाल फर्किंदा बिहान ७ देखि १० बजेसम्म फर्किने गरेका छन् ।

होटल व्यवसायी सङ्घ बाँकेका अध्यक्ष भीम कँडेलका अनुसार भारतका विभिन्न शहरबाट पश्चिम नेपालका विभिन्न जिल्लामा नेपालगन्ज नाका हुँदै सिधा सञ्चालन हुने बसलाई शुक्रबारदेखि रोक्न थालिएको हो । “हिजो सिमलाबाट दाङको तुलसीपुर जाँदै गरेको बसलाई रोकेर यातायात व्यवस्था कार्यालय बुझाएका थियौँ”, अध्यक्ष कँडेलले भने, “आज पनि दाङ जाँदै गरेको एउटा बसलाई रोकेर यातायात व्यवस्था कार्यालय बुझाएका छौँ ।”

पर्यटकीय इजाजत लिएर यात्रु ओसार–पसार गर्ने बसलाई स्थानीय यातायात व्यवसायी र होटल तथा पर्यटन व्यवसायीले रोक्न थालेपछि नेपालगन्जको पुष्पलालचोक क्षेत्रमा तनावसमेत हुने गरेको छ । “पर्यटकका नाममा यात्रु ओसार्न पाइँदैन”, कँडेलले भने, “यी गाडीहरु नेपालगन्जमा रोक्दै नरोकी सिधै गन्तव्यमा जानाले यहाँका सबै व्यवसायीलाई मर्का परेको छ ।” 

होटल व्यवसायीले रोकेर बुझाएका अवैध बसलाई यातायात कार्यालयले बिना कुनै कारवाही छोड्ने गरेको कँडेलको आरोप छ । अवैध बस सञ्चालन नरोकिँदासम्म चरणबद्ध रुपमा यस्ता कार्यका विरुद्ध लाग्ने होटल व्यवसायी सङ्घले जनाएको छ ।

पर्यटन सुविधाको इजाजत लिएर यात्रुवाहक बस सञ्चालन गरिँदा यातायात व्यवसायीहरुका लागि मात्रै नभई सिङ्गो नेपालगन्ज शहर प्रभावित भएको नेपाल उद्योग वाणिज्य महासङ्घका केन्द्रीय सदस्य कृष्णप्रसाद श्रेष्ठले बताए । उनले अवैध कार्य रोक्न सरोकारवाला निकाय प्रहरी प्रशासन र यातायात व्यवस्था कार्यालयले कडाइ गर्नुपर्ने बताए ।

भेरी यातायात प्रालिका अध्यक्ष राजेन्द्र गिरीले अवैध रुपमा सञ्चालन हुने यात्रुवाहक बसका कारण वैधानिक रुपमा सरकारको अनुमति लिएर सञ्चालन हुने नेपाल–भारत मैत्री बसलाई समेत समस्या हुने गरेको बताए । उनले यो समस्या होटल व्यवसायीको एक छाक खाना र एक रात बासको मात्र नभई समग्र व्यवसायसँग जोडिएको बताए । बाँकेमा भर्खरै प्रजिअको कार्यभार सम्हालेका प्रजिअ कुमारबहादुर खड्काले सरोकारवालासँग छलफल गरी उपयुक्त निर्णय गरिने बताए ।

सम्बन्धित समाचार

भारत चल्ने बस रोक्दै नेपालगन्जका होटल व्यवसायी

बाँके । नेपालगन्जका होटल व्यवसायी नेपालगन्ज हुँदै भारतका विभिन्न शहरमा सञ्चालन भइरहेका यात्रुवाहक बस रोक्न सडकमा उत्रिएका छन् । पर्यटकीय इजाजत लिएर भारतका विभिन्न शहरमा यात्रु ओसार–पसार गर्ने नेपाली बसलाई

नेपालगन्ज उपमहानगरपालिकाले पृथ्वी जयन्तीमा दियो सार्वजनिक बिदा 

काठमाडौं । नेपालगन्ज उपमहानगरपालिकाले पृथ्वी जयन्तीको अवसरमा शुक्रबार सार्वजनिक बिदा दिएको छ । उपमहानगर कार्यपालिकाको आज बसेको बैठकले शुक्रबार एक दिन पृथ्वी जयन्तीका अवसरमा उपमहानगरपालिका क्षेत्रमा सार्वजनिक बिदा दिने निर्णय

प्रारम्भिक कक्षा पढाइ कार्यक्रम बर्दियामा पनि सञ्चालन

नेपालगन्ज / कक्षा १ देखि ३ सम्मका बालबालिकाको पठन सीप क्षमतामा सुधार ल्याई उनीहरुको शैक्षिक जग बलियो बनाउने उद्देश्यका साथ बर्दिया जिल्लामा राष्ट्रिय प्रारम्भिक कक्षा पढाइ कार्यक्रम शुरु गरिएको छ

नेपालगन्ज रंगशालाको शिलान्यास

खजुरा, बाँके।  युवा तथा खेलकूदमन्त्री जगतबहादुर विश्वकर्माले मुलुकको समृद्धि तथा विकासका लागि खेलकूदको माध्यमबाट सकारात्मक सन्देश प्रवाह गर्नुपर्ने बताएका छन् ।  आठौँ राष्ट्रिय खेलकूद २०७५ मिसनमा निर्माण गर्न लागिएको नेपालगन्ज रंगशालाको


z