प्रभु बैंक र युकेएड सक्षमबीच सहकार्य

खरीबोट

काठमाडौं । दक्षिण कोरिया र भारतमा रहेका करिव २१ हजार नेपालीहरुको खाता खोल्नका लागि प्रभु बैंक र युकेएड सक्षमबीच सहकार्य भएको छ ।

दुई संस्थाबीच भएको सहकार्य अनुसार, बैंकले बचत खाताका सथै नेपालमा रहेका उनीहरुको परिवारमध्ये ६ सयलाई ऋण लगानी पनि गर्नु पर्ने छ ।

समझदारी पत्रमा बैंकका प्रमुख कार्यकारी अधिकृत अशोक शेरचन र सक्षमका टोली प्रमुख निर्मल दाहालले हस्ताक्षर गरेका छन् । हस्ताक्षरअघि बोल्दै शेरचनले बैंकले विदेश गएका नेपालीहरुको 'पोर्टफोलियो' ब्यवस्थानका लागि उनीहरुलाई बैदेशिक रोजगार बचतपत्र खरीद गर्न प्रोत्साहन गरिने जानकारी दिए ।

उनले बीमा बारे सुसुचित गराएर बीमालेख खरीदका लागि प्रोत्साहित गर्नेसमेत बताए । उनले बैदेशिक रोजगारीबाट फर्किएकाहरुलाई सरकारको ब्याज अनुदानको ऋण उपलब्ध गराएर उद्यमशिलता विकास गर्नेसमेत जानकारी दिए । 

यो परियोजनाका लागि सक्षमले १० करोड रुपैयाँ सहयोग गरेको छ। परियोजना १८ महिनाभित्र पुरा हुनेछ ।

कार्यक्रममा आएका राष्ट्र बैंकका डेपुटी गभर्नर शिवराज श्रेष्ठले रेमिटेन्स भित्र्याउँदा कुल रकमको १.७ प्रतिशत खर्च लाग्ने गरेको जानकारी दिए । यसलाई घटाउँदै औपचारिक माध्यमबाट रेमिटेन्स भित्र्याउन सबैले भूमिका खेल्नु पर्ने उनले बताए ।

कार्यक्रममा बैंकका अध्यक्ष देबिप्रकाश भट्टचनले सक्षमसँगको सहकार्यले औपचारिक माध्यमबाट रेमिटेन्स भित्र्याउन थप सजिलो भएको बताए । सक्षमका टोली प्रमुख दाहालले औपचारिक माध्यमबाट रेमिटेन्स भित्र्याउनका लागि बैंकसँग सहकार्य गरेको बताए ।

सक्षम, वित्तीय पहुँच नेपाल सरकार र यु.के सरकारको सम्झौता अनुरुप यु.के.एडको आर्थिक सहयोगमा संचालित कार्यक्रम हो । यो कार्यक्रम लुईस बर्जरले राष्ट्रिय तथा अन्र्तराष्ट्रिय संस्थाहरुसंगको सहकार्यमा डि.एफ.आई.डि. को लागि संचालन गरेको कार्यक्रम हो ।

प्रभु बैंक लिमिटेड नेपाल राष्ट्र बैंकबाट क वर्गको ईजाजत प्राप्त वित्तीय संस्था हो । यसले स्थापनको कयौं वर्ष पार गरी सकेको र सो को दौरान विभिन्न सात वटा वित्तीय संस्थाहरुलाई समेटेर अघि बढी रहेको छ । यस बैंकले देशको सबै भौगोलिक क्षेत्रहरुलाई समेट्ने गरी विभिन्न स्थानहरुमा १९४ वटा शाखाहरु, २९ वटा विस्तारित काउन्टरहरु र १५२ वटा ए.टि.एम हरुको माध्यमद्वारा १० लाख भन्दा बढी व्यक्तिहरुलाई वित्तीय सेवा प्रदान गरी रहेको छ । 

 
 

सम्बन्धित समाचार

थप दुई मालपोत कार्यालयमा प्रभु बैंकका एक्स्टेन्सन काउण्टर सञ्चालन

काठमाडौँ । प्रभु बैंकले आफ्नो सेवा विस्तार गर्ने क्रममा महोत्तरि जिल्लाको बर्दिबास मालपोत कार्यालय र जलेश्वर मालपोत कार्यालयमा एक्स्टेन्सन काउण्टरहरु सञ्चालनमा ल्याएको छ । बर्दिबासस्थित मालपोत कार्यालयको परिसरमा स्थापित एक्स्टेन्सन काउण्टरको

प्रभु बैंक र युकेएड सक्षमबीच सहकार्य

काठमाडौं । दक्षिण कोरिया र भारतमा रहेका करिव २१ हजार नेपालीहरुको खाता खोल्नका लागि प्रभु बैंक र युकेएड सक्षमबीच सहकार्य भएको छ । दुई संस्थाबीच भएको सहकार्य अनुसार, बैंकले बचत खाताका

सुनसरीको कालाबञ्जरमा प्रभु बैंकको शाखा 

काठमाडौँ । प्रभु बैंक लिमिटेडले आफ्नो शाखा सञ्जाल विस्तार गर्ने क्रममा सुनसरी जिल्लाको बराहक्षेत्र नगरपालिका वडा नं. ०५ स्थित कालाबञ्जरमा आफ्नो १९५ औं शाखा कार्यालयको रुपमा कालाबञ्जर शाखा कार्यालय आजदेखि

प्रभु बैंकको झापा र ईलाम मालपोत कार्यालयमा एक्स्टेन्सन काउण्टर

काठमाडौँ । प्रभु बैंकले आफ्नो सेवा विस्तार गर्ने क्रममा झापा जिल्लाको दमक नगरपालिकास्थित मालपोत कार्यालय र ईलाम मालपोत कार्यालयमा एक्स्टेन्सन काउण्टरहरु सञ्चालनमा ल्याएको छ । दमकस्थित  मालपोत कार्यालयको परिसरमा स्थापित एक्स्टेन्सन


z