वीरगंज । वीरगंज महानगरपालिकाको वडा न ३१ बेलवास्थित रहेको नेपाल राष्ट्रिय आधारभूत विद्यालयका प्रधानाध्यापकसहित ६ जना घुस रकम लेनदेन गर्ने क्रममा रंगेहात पक्राउ परेका छन् ।
विद्यालयमा गणित विषयको शिक्षक नियुक्तिको लागि लिइएको परिक्षामा पास गराइदिने भन्दै १ लाख रकमको लेनदेन हुदै गरेको सुचनाको आधारमा पक्राउ गरेको अख्तियार दुरुपयोग अनुसन्धान क्षेत्रीय कार्यालय हेटौडाबाट खटेको टोलीले बाताएको छ ।
वीरगन्जको वडा न ८ शिवा आँखा अस्पाताल रोडको छेउमा रहेको एक चिया पसलमा लेन देन हुदै गर्दा अख्तियार टोली आइपुगेको थियो ।
पक्राउ पर्नेमा विधालयका प्रधानाध्यापक सचिन्द्र कुमार यादव, सहायक प्रधानाध्यापक मणिर मिया, शिक्षक सुरेस महतो, व्यवस्थापन समिति सदस्य इलियास मिया अन्सारी, जमिल मिया अन्सारी र व्यवस्थापन समिति सदस्य सखिना खातुनकी श्रीमान् नजमुदीन मिया देवान रहेका छन् ।