रेकर्ड बनेको खेलमा गेल नेतृत्वको जमैकाको लगातार चौथो हार

खरीबोट

काठमाडौँ । क्यारेबियन प्रिमियर लिग (सिपिएल) अन्तर्गत क्रिस गेल नेतृत्वको जमैका तल्लावाहले लगातार चौथो हार बेहोरेको छ ।

शनिबार बिहान सम्पन्न खेलमा जमैकालाई ट्रीनबागो नाइट राइडर्सले पराजित गरेको हो ।

ट्रीनबागोले दिएको २६८ रनको लक्ष्य पछाएको जमैका २० ओभरमा ५ विकेट गुमाउदै २२६ रन मात्र बनाएपछि खेल ४१ रनले गुमाएको हो ।

जमैकाका लागि ग्लेन फिलिप्सले सर्वाधिक ६२ रन बनाए भने कप्तान किस गेलले ३९, रमाल लुइसले ३७, जाभेल ग्लेनले ३४ तथा डेरभेल ग्रीनले १५ रन बनाए ।    

यस अघि ट्रीनबागोले क्रिस गेलको कप्तानीमा रहेको जमैका तल्लावाहविरुद्ध सिपिएलकै इतिहासमा धेरै रन बनाएको थियो ।

टस हारेर पहिला ब्याटिंग गरेको ट्रीनबागोले २० ओभरमा २ विकेट गुमाउदै २६७ रनको विशाल रन बनाएको हो ।

ट्रीनबागोको इनिंगमा कोलिन म्रुनो, लेंडी साइमन्स र कप्तान केरन पोलार्डले आक्रामक ब्याटिंग गरेका थिए ।

कोलिन म्रुनोले ५० बलमा ९६ रन अविजित बनाए । आफ्नो पारीमा ८ छक्का र ६ चौका प्रहार गरेका म्रुनो शतकबाट चुके पनि ट्रीनबागोलाई रेकर्ड रन बनाउन ठुलो भूमिका खेले ।
त्यस्तै लिंडे साइमन्सले ४२ बलमा ५ छक्का र ८ चौकाको मद्धतले ८६ रन बनाए ।

त्यस्तै कप्तान पोलार्डले १७ बलमा ४५ रन अविजित बनाए भने सुनिल नारान ले १८ बलमा २० रन बनाए ।

जमैकाका बलर कुनै किसिमले लयमा देखिएनन् । जमैकाका जाहिर खानले एक विकेट लिए भने एक विकेट रनआउटका रुपमा लिएको थियो ।

यस सिजनको सिपिएलमा उच्च रन बनेको यो तेस्रो इनिंग हो । अघिल्लो खेलमा जमैकाले बनाएको २४१ रनको विशाल रनलाई सेन्ट लुइसले सफल चेज गर्दै २४२ रनको रेकर्ड राखेको थियो । साथै यो सिपिएलको इतिहासमा अहिलेसम्मको उच्च टोटल हो । 

टी-२० क्रिकेटको इतिहासमा अहिलेसम्मको दोस्रो उच्च रन हो । यस अघि अफगानिस्तानले आयरल्याण्डविरुद्ध २७८ रङ बनाएको थियो । यो नै टी-२० मा अहिलेसम्मको धेरै रनको रेकर्ड हो ।

यस खेलमा ९६ रन बनाएका कोलिन म्रुनो म्यान अफ द म्याच बने  ।

प्रतियोगितामा जमैकाले अहिलेसम्म खेलेका सबै चार खेलमा हार बेहोरेको छ । त्यस्तै ट्रीनबागोले भने अहिलेसम्मका सबै चार खेल जितेर अंक तालिकामा शिर्ष स्थानमा रहेको छ ।

सम्बन्धित समाचार

वाल्श र किंग वेस्टइन्डिज टिममा छानिए, सिपिएलमा प्रदर्शनको पुरस्कार  

काठमाडौँ । वेस्टइन्डिजले अफगानिस्तानविरुद्ध हुने टी-२० र एक्दिवैस्य सिरिजका लागि टिमको घोषणा गरेको छ ।  अगामी नोभेम्बरमा भारतको नागपुरमा हुने सिरिजका लागि हालै सम्पन्न क्यारेबियन प्रिमियर लिगमा उत्कृष्ट प्रदर्शन गरेका हेडेन

बर्बाडोसले जित्यो सिपिएलको उपाधि

काठमाडौँ । क्यारेबियन प्रिमियर लिग (सिपिएल) को उपाधि बार्बाडोस ट्रीडेन्टसले जितेको छ । आज भएको फाइनल खेलमा बार्बाडोसले गुयाना अमेजन वारियर्सलाई २७ रनले परजित गर्दै दोस्रो पटक सिपिएलको उपाधि जितेको हो

बार्बाडोस सिपिएलको फाइनलमा 

काठमाडौ । क्यारेबियन प्रिमियर लिग (सिपिएल) अन्तर्गत बार्बाडोस ट्रीडेन्टस फाइनलमा पुगेको छ । आज भएको दोस्रो क्वालिफायरमा ट्रीनबागो नाइट राइडर्सलाई १२ रनले पराजित गर्दै बार्बाडोस प्रतियोगीताको फाइनलमा पुगेको हो । बार्बाडोसले दिएको

सिपिएलको लिग चरण सकियो, प्लेअफको समीकरण यस्तो भयो 

काठमाडौँ । क्यारेबियन प्रिमियर लिग (सिपिएल) अन्तर्गत लिग चरणका खेल आजदेखि सकिएका छन् । आज सम्पन्न खेलमा गुयाना अमेजन वरियर्सले ट्रीनबागो नाइट राइडर्सलाई पराजित गर्दै लिग चरणआमा अपराजित भएको छ । आज


z