इन्द्रजात्रा अवलोकन गर्न आएका विदेशी पाहुना स्वदेश फिर्ता

खरीबोट

काठमाडौँ । काठमाडौँ महानगरपालिकाको निमन्त्रणामा पहिलोपटक इन्द्रजात्राको अवलोकन गर्न आएका विदेशी नगरका प्रमुख, उपप्रमुखसहितको टोली आज स्वदेश फिर्ता भएको छ ।

भूटानको थिम्पु नगरका प्रमुख आगामी बिहीबार फर्कने कार्यक्रम रहे पनि अन्य नगरका प्रमुखसहितको टोली आज स्वदेश फर्केको हो । इन्द्रजात्रा अवलोकन गर्न गत बिहीबार चीन, भारत, भूटान, जापान, र अमेरिकाका ११ शहरका चार प्रमुख, उपप्रमुखसहित ४१ जना पाहुना नेपाल आएका थिए ।  

विदेशी पाहुनाहरुले काठमाडौँ उपत्यकाको सांस्कृतिक परिचय र जीवन्त चालचलनको उच्च प्रशंसा गरेका छन् । 

उनीहरुलाई इन्द्रजात्राको दिन भदौ २७ गते बिहान ९ बजेदेखि १२ बजेसम्म इन्द्रजात्रामा कुमारी रथ यात्रा हुने स्थान र बसन्तपुरमा रहेका बहा, बही, ब्रह्मचक्र महाविहार, मञ्जुश्री नघ महाविहार, ओमबहाल, थानबहा, भीमसेन मन्दिर, सिंहसत्तल, काष्ठमण्डप, मरुहिटी, मरु गणेश, यट्खाबहाल, जनबहाल, आकाश भैरवलगायतका सम्पदाको अवलोकन गराइएको थियो । 

भदौ २८ गते विदेशी पाहुनालाई  चन्द्रागिरी, स्वयम्भूस्थित प्राकृतिक विज्ञान सङ्ग्रहालय र स्वयम्भू स्तुप क्षेत्रको अवलोकन गराइएको थियो । भदौ २९ गते भक्तपुर र पाटन क्षेत्रको अवलोकन गराइएको थियो । भक्तपुरमा तलेजु भवानी, पचपन्नझ्याले दरवार, दत्तात्रेय मन्दिरसहित दरवार क्षेत्रका मठमन्दिर र पाटनमा सुन्दर चोक, कृष्णमन्दिरसहित हिरण्यवर्ण महाविहारको अवलोकन गराइएको थियो ।

इन्द्रजात्राको गरिमालाई अन्तरराष्ट्रियकरण गर्न महानगरले यस वर्षको इन्द्रजात्रा हेर्न भगिनी सम्बन्ध भएका सबै शहरका प्रमुख र प्रतिनिधिलाई निम्ता गरेको काठमाडौँ महानगरका प्रमुख विद्यासुन्दर शाक्यले बताए ।
 

सम्बन्धित समाचार

इन्द्रजात्रा अवलोकन गर्न आएका विदेशी पाहुना स्वदेश फिर्ता

काठमाडौँ । काठमाडौँ महानगरपालिकाको निमन्त्रणामा पहिलोपटक इन्द्रजात्राको अवलोकन गर्न आएका विदेशी नगरका प्रमुख, उपप्रमुखसहितको टोली आज स्वदेश फिर्ता भएको छ । भूटानको थिम्पु नगरका प्रमुख आगामी बिहीबार फर्कने कार्यक्रम रहे पनि

‘यलम्बर’ले हेरे इन्द्रजात्रा

काठमाडौं । नेवारी समुदायको ठूलो जात्रा  इन्द्रजात्रा अझै सकिएको छैन ।  रथयात्रा, लाखेनाचहरु चलिरहेको छ । इन्द्रजात्रा शुरु भएदेखि  नसकिँदासम्म विभिन्न देवीदेवता तथा भैरवको मूर्ति बाहिर निकालिएको छ  ।  जात्रा भरका

इन्द्रजात्रा अवलोकनमा प्रधानमन्त्री ओली अनुपस्थित !

काठमाडौं । शुक्रबार भएको इन्द्रजात्राको अवलोकन गर्ने कार्यक्रममा प्रधानमन्त्री केपी शर्माको अनुपस्थितिलाई अर्थपूर्ण रुपमा हेरिएको छ । राष्ट्राध्यक्षको रुपमा राष्ट्रपति विद्यादेवी भण्डारी इन्द्रजात्राको अवलोकन गरी श्रीकुमारीको दर्शन गर्न पुगेपनि प्रधानमन्त्री ओली

इन्द्रजात्राको अवसरमा रथा यात्रा (फोटो फिचर)

काठमाडौँ । येँया पुन्ही (इन्द्र जात्रा)को दिन शुक्रबार अपराह्न बसन्तपुर क्षेत्रमा जीवित देवी कुमारीको रथा यात्रा गरिँदै काठमाडौँवासी जीवित देवी कुमारीका साथ श्री गणेश, श्री भैरवको पनि रथा यात्रा गरिएको छ


z