दक्षिण अफ्रीकामाथि भारतको सहज जित, विराटको उत्कृष्ट ब्याटिंग

खरीबोट

काठमाडौँ । भारत भ्रमणमा रहेको दक्षिण अफ्रीका दोस्रो टी-२० खेलमा पराजित भएको छ । गएराती सम्पन्न खेलमा भारतले दक्षिण अफ्रीकालाई ७ विकेटले पराजित गरेको छ ।

दक्षिण अफ्रीकाले दिएको १५० रनको लक्ष्य पछाएको भारतले १९ ओभरमा ३ विकेट गुमाउदै लक्ष्य पुरा गरेको थियो ।

भारतका लागि कप्तान विराट कोहलीले अविजित ७२ रन बनाउदै भारतलाई जित दिलाएका थिए । कोहलीले ५२ बलमा ३ छक्का र ४ चौका प्रहार गर्दै महत्वपूर्ण ७२ रन बनाएका थिए ।

विराटले टी-२० अन्तर्राष्ट्रिय खेलमा रोहित शर्माको धेरै रन बनाउने रेकर्डलाई समेत तोडेका छन् । कोहलीले २४४१ रन बनाएर रोहितभन्दा ७ रन अगाडी रहेका छन् । रोहितले २४३४ रन बनाएका छन् भने मार्टिन गपटिलले २२८४ रन बनाएका छन् ।   

त्यस्तै शिखर धवनले ४० रन र रोहित शर्माले १२ रन बनाएर आउट भएका थिए । त्यस्तै रिषव पन्त ४ रन बनाएर आउट भए भने श्रेयस अय्यरले अविजित १६ रन बनाए ।

यस अघि टस हारेर पहिला ब्याटिंग गरेको दक्षिण अफ्रीकाले २० ओभरमा ५ विकेट गुमाउदै १४९ रन बनाएको थियो ।

दक्षिण अफ्रीकाका लागि कप्तान क्वेंटक डिककले ५२ रन बनाए भने टेम्बा बभुमाले ४९ रन बनाएर आउट भए ।

त्यस्तै डेविड मिलरले १८ तथा डवाने प्रेटोरियसले १० रन बनाए ।

भारतीय बलर दिपक चहरले २ विकेट लिए भने नवदीप सैनी, रविन्द्र जडेजा र हार्दिक पाण्डेयले एक एक विकेट लिए ।

खेलको प्लेयर अफ द म्याच भारतीय कप्तान विराट कोहली बनेका छन् ।

तीन खेलको सिरिजमा भारत १-० ले अगाडी रहेको छ । सिरिजको पहिलो खेल बर्षाले हुन सकेको थिएन । अब सिरिजको अन्तिम खेल आगामी आइतबार हुने छ ।

सम्बन्धित समाचार

टी-२० विश्वकप छनौटमा युएईको दोस्रो जित

काठमाडौँ । टी-२० विश्वकप छनौट अन्तर्गत आयोजक युएईले हङकङलाई पराजित गरेको छ । आज भएको खेलमा युएईले हङकङलाई ८ विकेटले पराजित गरेका थिए । हङकङले दिएको ११७ रनको लक्ष्य पछाएको युएईले

बंगलादेशका क्रिकेटरद्वारा घरेलु र अन्तर्राष्ट्रिय खेल बहिष्कार गर्ने निर्णय

काठमाडौँ । बंगलादेशका सिनियर क्रिकेटरले घरेलु र अन्तर्राष्ट्रिय खेल बहिष्कार गर्ने निर्णय गरेका छन् । मिडिया रिपोर्टका अनुसार खेलाडीहरुले बंगलादेश क्रिकेट बोर्डको निर्णयविरुद्ध आफ्नो असहमति जनाउदै आन्दोलनमा उत्रिएका छन् । टेस्ट र

टी-२० विश्वकप छनौटमा पिएनजी र क्यानाडा विजयी

काठमाडौँ । टी-२० विश्वकप छनौटमा पिएनजी र क्यानाडा विजयी भएका छन् । आइतबार सम्पन्न  समुह ए अन्तर्गतको खेलमा पिएनजीले नामिबियालाई ८१ रनको फराकिलो अन्तरले पराजित गरेको छ । पिएनजीले दिएको १९८

टी-२० विश्वकप छनौटमा बर्मुडामाथि पिएनजीको सहज जित

काठमाडौँ । टी-२० विश्वकप छनौट अन्तर्गत पिएनजीले बर्मुडालाई पराजित गरेको छ । शनिबार सम्पन्न समुह ए अन्तर्गतको खेलमा पिएनजीले बर्मुडालाई १० विकेटले पराजित गरेको छ । बर्मुडाले दिएको ९० रनको लक्ष्य


z