- २०८१ बैशाख ७ शुक्रबार
लन्डन । बेलायतका प्रधानमन्त्री बोरिस जोन्सनले संसद भंग गर्न महारानीलाई गरेको सिफारिस असंबैधानिक भएको छ ।
बेलायतको सर्वोच्च अदालतले संसद निलम्वनसम्बन्धी मुद्दामा आज निर्णय दिदै प्रधानमन्त्रीको सिफारिस असंबैधानिक भएको निर्णय दिएको हो ।
अदालतले प्रधानमन्त्री जोन्सनले सहि कारण दिएर संसद भंग गर्ने सिफारिस नगरेको आरोप लगाउदै ब्रेक्जिटको नाममा संसदलाई आफ्नो काम गर्न रोक्न नहुने तर्क गरेको छ ।
प्रधानमन्त्री बोरिस जोनसनले गरेको निलम्बनसम्वन्धी निर्णयका विरुद्धमा सर्वोच्च अदालतमा केही दिन पहिले मुद्दा दर्ता भएको थियो ।
युरोपेली संघबाट बेलायतलाई बहिर्गमन गराउने विषयलाई आफ्नो अनुकुल वातावरण बनाउन प्रधानमन्त्री जोनसनले संसद निलम्बनको सिफारिस गरेका थिए ।
गत हप्ता अदालतमा तीन दिनसम्म भएको बहसपछि अदालतले आज निर्णय सुनाएको हो ।
कुल ११ मध्ये सात जना न्यायाधीशहरूको इजलाशले यस बारेमा निर्णय गरेको छ ।
बेलायतको प्रधानमन्त्रीका रूपमा गत जुलाईमा मात्रै जोनसनले पदबहाली गरेका हुन् । जिम्मेवारी लिएको छोटो अवधिमै उनी संकटमा परेको विश्लेषण गरिएको छ ।
अदालतको यो निर्णयपछि अब प्रधानमन्त्रीक ओरुप्मा जोन्सनको भविष्यमा नै प्रश्न उठ्न थालेको बेलायती मिडियाले लेखेका छन् ।
