श्रीलंकाविरुद्ध पाकिस्तानको शानदार जित

खरीबोट

काठमाडौं । पाकिस्तानले श्रीलंकाविरुद्धको दोस्रो एकदिवसीय खेल ६७ रनले जितेको छ । 

गएराती सम्पन्न खेलमा पाकिस्तानले दिएको ३०६ रनको लक्ष्य पछाएको श्रीलंकाले ४६.५ ओभरमा २३८ रन बनाउदा अलआउट भएपछि पाकिस्तान ६७ रनले विजयी भएको हो ।

श्रीलंकाका लागि शेहन जयसूर्याले ९६ रन बनाएका थिए भने दसुन शंकले ६८ रन बनाए । वानिंद डि सिल्भाले ३० रन बनाए भने दनुस्का गुनाथिलाकाले १४ रन बनाएका थिए ।

शुरुवाती ५ विकेट २८ रनमा गुमाएको श्रीलंकाका जयसूर्या र शंकबीच छैठौ विकेटको लागि १७७ रनको साझेदारी गरेका थिए ।

पाकिस्तानका बलर उसमान शिनवारीले ५ विकेट लिएका थिए भने षडाब खानले २ विकेट लिएका थिए । त्यस्तै मोहमद आमिर, इमाद वाशिम र वहाव रियाजले एक एक विकेट लिए ।

यस अघि पाकिस्तानले टस जितेर पहिला ब्याटिंग गर्दै ५० ओभरमा ७ विकेट गुमाएर ३०५ रन बनाएको थियो । पाकिस्तानका लागि बबर आजमले ११५ रन बनाए । आजमले आफ्नो ११औ शतक प्रहार गर्दै पाकिस्तानलाई बलियो अवस्थामा लगेका थिए ।

त्यस्तै फखर जमानले ५४, हरिस सोहेलले ४०, इफ्तिखार अहमदले ३२ र इमाम उल हकले ३१ रन बनाएका थिए ।

५ विकेट लिएका पाकिस्तानका बलर उसमान शिनवारी खेलको प्लेयर अफ द म्याच बनेका थिए ।

पहिलो खेल बर्षाले रद्ध भएको यस सिरिजमा पाकिस्तान १-० ले अगाडी भएको छ । अब तेस्रो तथा अन्तिम खेल बुधबार हुने छ ।

सम्बन्धित समाचार

वेस्टइन्डिजद्वारा सिरिज क्लिन स्विप, अफगानिस्तान लगातार १२ खेलमा हार्यो 

काठमाडौँ । वेस्टइन्डिजले अफगानिस्तानविरुद्धको एकदिवसीय सिरिज ३-० ले जितेको छ । गएराती सम्पन्न तेस्रो एकदिवसीय खेल वेस्टइन्डिजले ५ विकेटले जितेर सिरिज क्लिन स्विप गरेको हो । अफगानिस्तानले दिएको २५० रनको लक्ष्य पछाएको

फेरी हार्यो अफगानिस्तान, सिरिजमाथि वेस्टइन्डिजको कब्जा

काठमाडौँ । जारी एकदिवसीय सिरीजमा वेस्टइन्डिजले अफगानिस्तानलाई पराजित गरेको छ । भारतमा जारी सिरिजमा वेस्टइन्डिजले दोस्रो एकदिवसीय खेलमा अफगानिस्तानलाई ४७ रनले पराजित गर्दै सिरिज २-० ले जितेको छ । तीन खेलको

अफगानिस्तानविरुद्ध वेस्टइन्डिज विजयी, चेज र होपको उत्कृष्ट ब्याटिंग

काठमाडौँ । वेस्टइन्डिजले अफगानिस्तानविरुद्धको एकदिवसीय सिरिजमा विजयी शुरुवात गरेको छ । भारतको लखनउमा शुरु भएको सिरिजको पहिलो खेलमा वेस्टइन्डिजले अफगानिस्तानलाई ७ विकेटले पराजित गरेको छ । अफगानिस्तानले दिएको १९५ रनको लक्ष्य पछाएको

श्रीलंकाविरुद्धको एकदिवसीय सिरिजमा पाकिस्तानको कब्जा 

काठमाडौँ । पाकिस्तानले श्रीलंकाविरुद्धको एकदिवसीय सिरिज २-० ले जितेको छ । गएराती सम्पन्न तेस्रो खेल पाकिस्तानले ५ विकेटले जितेको हो । श्रीलंकाले दिएको २९८ रनको लक्ष्य पछाएको पाकिस्तानले ४८.२ ओभरमा ५ विकेट


z