दशैँमा सेवा रोक्दैन भरतपुर अस्पतालले

खरीबोट

फाइल तस्वीर

चाड पर्वका समयमा निजी अस्पतालमा सेवा पाउन कठिन हुने गर्दछ । यहाँको केन्द्रीयस्तरको सरकारी अस्पताल भरतपुर अस्पतालले दशैँको समयमा सर्वसाधारणलाई उपचार गर्न बहिरङ्ग सेवाबाहेक सबै सेवालाई निरन्तरता दिने भएको छ ।

विगतका वर्षमा झै यस वर्ष पनि दशैँको समयमा आकस्मिक सेवामा बिरामीको चाप बढ्न सक्ने भन्दै पूर्वतयारी गरिएको छ । अन्य समयको जस्तो नभए पनि चाडपर्वका समयमा निजी अस्पतालमा सेवा पाउन कठिन हुने भएकाले सबैको रोजाइ सरकारी अस्पताल हुने गर्दछ ।

अस्पतालका मेडिकल सुपरिटेण्डेण्ट डा श्रीराम तिवारीका अनुसार आकस्मिक परेकालाई बहिरङ्ग सेवा नखुले पनि आकस्मिक सेवामार्फत उपचार प्रदान गरिने छ । अन्तरङ्ग विभाग सञ्चालन हुने छन् । प्रसूति सेवा अन्य समयझै निरन्तर चल्ने छ । आकस्मिक शल्यक्रिया गरिने उनले वताए । चार दिन बहिरङ्ग सेवा र पालो लिएर गर्ने शल्यक्रिया नभए पनि बिरामीलाई उपचार लिन कठिन नहुने उनले बताए ।

सो समयमा बाल सघन उपचार कक्षमा कीटाणु मार्नका लागि ढोका बन्द गरेर गर्ने फुमीगेसन कार्य गरिँदै छ । दशैँका समयमा सर्वसाधारणलाई उपचारमा सहज बनाउनका लागि चिकित्सक, स्वास्थ्यकर्मी र कर्मचारीको समय तालिका बनाइसकिएको छ । यो समयमा प्राकृतिक प्रकोप र दुर्घटना भएमा तत्काल उपस्थित हुनका लागि स्थानीय चिकित्सकहरुलाई आग्रह गरिएको छ ।

विभागीय प्रमुख निरन्तर सम्पर्कमा रहने तिवारीले बताउनुभयो । भरतपुर अस्पतालमा ६०० श्यया रहेका छन् । चितवनसहित देशका २४ जिल्लाका बिरामी उपचारका लागि यहाँ आउने गर्दछन् । निजी अस्पतालमा दशैँ आउनु केही दिनअघि देखिनै बिरामी भर्ना र शल्यक्रिया घटाउँदै लगिन्छ । ती बिरामीसमेत सरकारी अस्पतालमा जाने गर्दछन् ।

अस्पतालका सूचना अधिकारी लिलाधर पौडेलका अनुसार अन्य समयको जति नभए पनि दशैँका समयमा समस्या पर्ने अधिकांश बिरामी सरकारी अस्पताल आउने गर्दछन् । केही दिन अघि कर्मचारीको आन्दोलनका कारण एक दिनमात्र सेवा प्रभावित हुँदासमेत धेरैले दुःख पाएका थिए ।

सम्बन्धित समाचार

दशैँमा सेवा रोक्दैन भरतपुर अस्पतालले

चाड पर्वका समयमा निजी अस्पतालमा सेवा पाउन कठिन हुने गर्दछ । यहाँको केन्द्रीयस्तरको सरकारी अस्पताल भरतपुर अस्पतालले दशैँको समयमा सर्वसाधारणलाई उपचार गर्न बहिरङ्ग सेवाबाहेक सबै सेवालाई निरन्तरता दिने भएको छ

भरतपुर अस्पतालमा बिरामीको चाप बढ्दो, सेवा विस्तारको माग

चितवन । उपचारका लागि भरतपुर अस्पतालमा आउने बिरामीको सङ्ख्यामा उल्लेखनीय वृद्धि भएको छ । बिरामीको सङ्ख्यामा बढ्दै गए पनि त्यसअनुसारको पूर्वाधार नहुँदा व्यवस्थापन गर्न कठिन भएको अस्पतालले जनाएको छ । सीमित

भरतपुर अस्पताललाई जग्गाको अभाव

चितवन । भरतपुर अस्पतालको नाममा रहेको जग्गा बाँड्दै गएपछि अहिले गुरुयोजनाअनुरुप काम गर्न अस्पताललाई नै जग्गाको अभाव देखिएको छ । अस्पतालको नाममा रहेको ३० बिगाहा ११ कट्ठा ६ धुर जग्गा बाँड्दा

बिहे गर्न नमानेपछि महिलामाथि तेजाब, गम्भीर अवस्थामा भरतपुर अस्पतालमा उपचार हुदै

चितवन । तेजाब छर्किएर धारिलो हतियार प्रहारबाट गम्भीर घाइते एक युवतीको भरतपुर अस्पतालमा शल्यक्रिया गरिएको छ । कावासोती नगरपालिका–१६ डण्डा बजारकी २७ वर्षीया वसन्ती परियारलाई छिमेकी युवकले सोमबार साँझ तेजाब


z