- २०८१ बैशाख ६ बिहीबार
काठमाडौँ । च्याम्पियन्स लिग अन्तर्गत बार्सिलोनाले इन्टर मिलानलाई पराजित गरेको छ ।
गएराती सम्पन्न खेलमा बार्सिलोनाले इन्टर मिलानमाथि २-१ को जित हासिल गरेको हो ।
बार्सिलोनाको जितमा दुवै गोल लुइस स्वरेजले गरेका थिए भने इन्टरका लागि एक गोल लाउतारो मार्टीनेजले गरेका थिए ।
खेलको सातौ मिनेटमै गोल गर्दै बार्सिलोनामाथि दबाब बनाएको इन्टर मिलानले दोस्रो हाफमा २ गोल खाएको थियो । बार्सिलोना दोस्रो हाफमा खेलमा फर्किएको थियो ।
स्वरेजले खेलको ५८औ मिनेटमा गोल गर्दै खेल बराबरी गरेका थिए भने खेलको निर्णायक गोल खेलको ८४औ मिनेटमा लियोनेल मेसीको असिस्टमा स्वरेजले नै गरेका थिए ।
योसँगै लुइस स्वरेजले सन् २०१६ सेप्टेम्बरदेखि पहिलो पटक च्याम्पियन्स लिगको समुह चरणमा गोल गरेका छन् ।
यो जितपछि बार्सिलोनाको समुह एफमा २ खेलमा ४ अंक भएको छ । त्यस्तै गएराती नै भएको खेलमा यसै समुहको डोर्टमण्डले स्लाभिया प्राहलाई पराजित गरेपछि २ खेलमा ४ अंक बटुलेर शिर्ष स्थानमा रहेको छ ।
