- २०८१ बैशाख १३ बिहीबार
काठमाडौँ । फ्रेन्च लिग वान अन्तर्गत पिएसजीले एन्जर्सविरुद्ध सहज जित हासिल गरेको छ ।
गएराती सम्पन्न खेलमा पिएसजीले एन्जर्सलाई ४-० गोल अन्तरले पराजित गरेको हो ।
पिएसजीको जितमा पाब्लो सरबिया, नेइमार, इद्रीसा गुइए र माउरो इकार्ड़ीले एक एक गोल गरेका थिए ।
पिएसजीका लागि यसै सिजनमा लोनमा इन्टर मिलानबाट आएका इकार्डीले दुईखेलमा दुई गोल गर्दै उत्कृष्ट शुरुवात गरेका छन् । उनको लिग वानमा भने यो पहिलो गोल हो ।
पिएसजी आफ्ना स्टार खेलाडी किलीयन एम्बाप्पे र एडिसन कभानी बिना नै खेलेको थियो ।
यो जितपछि पिएसजी लिग वानमा ९ खेलमा २१ अंकसहित शिर्ष स्थानमा पुगेको छ भने एन्जर्स ९ खेलमा १६ अंकसहित तेस्रो स्थानमा रहेको छ ।
