- २०८१ बैशाख १३ बिहीबार
काठमाडौँ । मैत्रीपूर्ण खेलमा ब्राजिल नाइजेरियासँग बराबरीमा रोकिएको छ । आइतबार सम्पन्न खेलमा ब्राजिल नाइजेरियासँग १-१ गोलको बराबरीमा रोकिएको हो ।
ब्राजिलका लागि कासामिरोले खेलको ४८औ मिनेटमा बराबरी गोल गरेर ब्राजिललाई हारबाट बचाएका थिए । नाइजेरियाका लागि खेलको ३५औ मिनेटमा जो अरिबोले गोल गर्दै सुरुवाती अग्रता दिलाएका थिए ।
यस खेलमा पिएसजीबाट खेल्ने ब्राजिलियन स्टार खेलाडी नेइमार घाइते भएका छन् । नेइमार खेलको १२औ मिनेटमा नै घाइते भएपछि मैदान छोडेका थिए ।
कोपा अमेरिका जितेपछि खेलेका ४ मैत्रीपूर्ण खेलमा ब्राजिलले जित हासिल गर्न सकेको छैन । ४ खेलमा ब्राजिल एक हार बेहोरेको छ भने तीन खेलमा बराबरीमा रोकिएको छ ।
