- २०८१ बैशाख १३ बिहीबार
काठमाडौँ । मैत्रीपूर्ण खेलमा अर्जेन्टिनाले इक्वेडरमाथि गोलको बर्षा गरेको छ । गएराती सम्पन्न खेलमा अर्जेन्टिनाले इक्वेडरलाई ६-१ गोल अन्तरले पराजित गरेको हो ।
आफ्ना स्टार खेलाडीहरु लियोनेल मेसी, सर्जियो अग्युरो बिना खेलेको अर्जेन्टिनाले फराकिलो जित हासिल गरेको हो ।
अर्जेन्टिनाको जितमा लुकास ओकाम्पोस, निकोलस डोमीनगिएज, जर्मन पेजाल्ला, लीनड्रो परेडेज र लुकास अलरियोले एक एक गोल गरेका थिए भने एक गोल इक्वेडरका जोन जारिओले आत्मघाती गोल गरेका थिए ।
त्यस्तै इक्वेडरका लागि एक गोल एन्जल मिनाले गरेका थिए ।
अर्जेन्टिना कोपा अमेरिकापछि खेलेका ४ खेलमा अपराजित रहेको छ । जसमा २ खेल बराबरी खेलेको छ भने २ खेलमा जित हासिल गरेको छ ।
अर्जेन्टिनाले अब अर्को खेल नोभेम्बर १८ मा पराग्वेविरुद्ध खेल्ने छ । यस खेलबाट हाल प्रतिबन्धमा रहेका मेसी टिममा फर्किने विश्वास गरिएको छ ।
