नेपालगन्जमा प्लाष्टिकको प्रयोग निषेध अभियान सञ्चालन

खरीबोट

नेपालगन्ज । नेपालगन्ज उपमहानगरपालिकाले नगर क्षेत्रलाई प्लाष्टिकमुक्त शहर बनाउने अभियान सञ्चालन गरेको छ ।

उपमहानगरपालिकाको यो अभियानमा सहयोग गर्ने भनी यहाँका राजनीतिक दलहरुले पनि लिखित प्रतिबद्धतामा जनाएका छन् । अभियान अन्तर्गत उपमहानगरपालिकाले प्लाष्टिकजन्य फोहरले गरेको असर र अबको निकासका लागि ‘ऐनाफोटो प्रदर्शनी’, विभिन्न सूचना, शिक्षा तथा सन्दर्भ सामग्रीहरु तयार गरेर नगरका चोकचोकमा झुण्ड्याएको छ ।

गैरसरकारी संस्थाहरुसँग सहकार्य गरेर विकल्पका रुपमा कपडाका, कागजका झोला र बोराहरु उत्पादन गरेर वितरण पनि गरिएको छ । उपमहानगरपालिकाले प्लाष्टिकजन्य प्रयोगलाई न्यूनीकरण गर्दै निषेध गर्नेसम्मको तयारी गरिरहेको जनाए पनि गत वर्षदेखि लागू गरेको फोहरमैला व्यवस्थापन ऐनले प्लाष्टिकजन्य फोहरलाई भने समेट्न सकेको छैन । यो नै अद्यावधिक गर्नुपर्ने अवस्था एकातिर छ भने अर्कोतर्फ  यस वर्षको कार्यक्रम र बजेटमा पनि फोहारमैला व्यवस्थापनको दीर्घकालीन योजना बनाउने विषय समेटिएको छैन ।

“नमिलेको विषयवस्तु हामी मिलाउँछौँ, ऐन नियम बनाउनेदेखि संशोधन गर्ने, बजेट विनियोजन गर्ने लगायतका सबै कुरा अभियानको कार्यक्रमभित्र समेटिने छ”, नगरप्रमुख डा धवलशम्शेर राणाको भने ।

अभियानको कार्यक्रमअन्तर्गत अहिले विभिन्न सङ्घसंस्थाले प्लाष्टिकजन्य फोहर सङ्कलन पनि गरिरहेका छन् तर प्लाष्टिकजन्य पदार्थलाई छुट्याएर राख्ने भने गरिएको छैन । उपमहानगरपालिकाले विशेषगरी पोलीथिन प्रयोग नियन्त्रणको पहल गरिरहेको छ । कपडा र कागजको झोला प्रयोगलाई प्रोत्साहन गरिरहेको छ । प्लाष्टिकजन्य प्रदूषण रोक्न सरकारी निकायको पहलले मात्र सम्भव छैन ।

“प्लाष्टिक नियन्त्रणका लागि स्थानीय तहले पनि थप अग्रसरता देखाउनुपर्छ”, नगर प्रमुख राणाको थप भनाइ छ, “वातावरण मैत्री व्यवसायका लागि उपमहानगरपालिकाले सहयोगसमेत गर्दै आएको छ ।” प्लाष्टिकजन्य फोहर व्यवस्थापनका अभियन्ता हरि सुवेदीले प्लाष्टिकजन्य फोहर व्यवस्थापनका लागि तयार गरिएको उपमहानगरपालिको वार्षिक र त्रिवर्षीय योजनालाई कार्यान्वयन गर्नतर्फ केन्द्रित हुनुपर्ने बताए ।

“योजनालाई प्रभावकारी कार्यान्वयनतर्फ लैजान जरुरी छ । यसका लागि उपमहानगरपालिका स्वयंले अगुवाइ गरेर सरोकारवाला पक्षबीच थप समन्वय र सहकार्य गर्नुपर्दछ । अनि मात्र प्लाष्टिकजन्य फोहरमुक्त समाज निर्माण गर्न सक्छौँ”, उनले भने ।
 

सम्बन्धित समाचार

जुम्ला र आसपासका क्षेत्रमा घरघरै प्लाष्टिक टनेल

सिञ्जा । बेमौसमी तरकारी खेती गर्ने क्रम बढेपछि जुम्ला र आसपासका क्षेत्रमा घरघरै प्लाष्टिक टनेल निर्माण हुन थालेका छन्। हिउँदे मौसममा जिल्लामा ताजा तरकारीको अभाव हुने गरेकाले किसानले प्लाष्टिक टनेल निर्माण

प्लाष्टिक फूलले खलङ्गा बजार भरिभराउ

जुम्ला । नेपालीको महान् दोस्रो चाडपर्व तिहारका बेला जुम्लाका साना ठूला बजार कृतिम फूलले भरिभराउ छ । यहाँ उत्पादन हुने सयपत्री फूल कतै पनि देख्न पाइँदैन, स्थानीयबासी पनि कृतिम फूलकै

नेपालगन्जमा प्लाष्टिकको प्रयोग निषेध अभियान सञ्चालन

नेपालगन्ज । नेपालगन्ज उपमहानगरपालिकाले नगर क्षेत्रलाई प्लाष्टिकमुक्त शहर बनाउने अभियान सञ्चालन गरेको छ । उपमहानगरपालिकाको यो अभियानमा सहयोग गर्ने भनी यहाँका राजनीतिक दलहरुले पनि लिखित प्रतिबद्धतामा जनाएका छन् । अभियान अन्तर्गत

 प्लाष्टिकको विकल्प निगालो 

बलेवा । आफैंले उत्सर्जन गरेको फोहरको व्यवस्थापन गर्न नसक्दा उत्पन्न हुने समस्याको विषयमा जानकारी पाएपछि ताराखोला गाउँपालिका–५ करिमेलाका स्थानीयवासीले सरसफाइका लागि नयाँ विधि प्रयोगमा ल्याएका छन् । गाउँमा प्रयोग हुँदै


z