- २०८१ बैशाख ७ शुक्रबार
काठमाडौं । युरोकप २०२० को छनौट खेलमा युक्रेनले पोर्चुगललाई पराजित गरेको छ ।
समुह बि अन्तर्गतको गएराती सम्पन्न खेलमा युक्रेनले पोर्चुगललाई २-१ गोल अन्तरले पराजित गरेको हो ।
युक्रेनको जितमा रोमन यारेमचुक र एन्ड्री यार्मोलेन्कोले एक एक गोल गरेका थिए भने पोर्चुगलका लागि क्रिस्टियानो रोनाल्डोले एक गोल पेनाल्टीमार्फत गरेका थिए ।
रोनाल्डोले यस खेलमा आफ्नो क्यारियरको ७ सयौ गोल गरेका छन् । यद्यपी रोनाल्डोले पोर्चुगललाई हारबाट भने बचाउन सकेनन ।
युक्रेनले खेलको ७२औ मिनेटमा तारास स्टेपानेन्कोले रातो कार्ड पाउदा १० खेलाडीमा सिमित भएको थियो ।
जितसँगै युक्रेन ७ खेलमा १९ अंक बटुलेर समुहमा शिर्ष स्थानमा रहेको छ भने समुह बि बाट युरो कपमा छनौट भएको छ । पोर्चुगलको भने ६ खेलमा ११ अंक छ भने छनौटका लागि अझै पर्खिनुपर्ने भएको छ ।
समुह बि मा सर्बियाको ६ खेलमा १० अंक रहेको छ ।
