काठमाडौँ । टी-२० विश्वकप छनौट अन्तर्गत स्कटल्याण्डले पाँचौ स्थान हासिल गरेको छ । गएराती सम्पन्न पाँचौ स्थानको प्लेअफमा स्कटल्याण्डले ओमानलाई ५ विकेटले पराजित गरेको छ ।
ओमानले दिएको १६८ रनको लक्ष्य पछाएको स्कटल्याण्डले १९ ओभरमा ५ विकेट गुमाएर लक्ष्य पुरा गरेको हो ।
यो जितपछि स्कटल्याण्ड पाँचौ र ओमानले छैठौ स्थान हासिल गरेको छ ।
२०२० मा अस्ट्रेलियाका लागि पिएनजी, आयरल्याण्ड, नेदरल्याण्डस, नामिबिया, स्कटल्याण्ड र ओमान विश्वकपमा छनौट भएका छन् ।
अब छनौट प्रतियोगिताको पहिलो देखि छैठौ स्थान हासिल हुने टिमको टुंगो लागाइने छ । खेल तालिका अनुसार आयरल्याण्ड र नेदरल्याण्डस पहिलो सेमिफाइनल तथा पिएनजी र नामिबिया दोस्रो सेमिफाइनल खेल्ने छन ।
त्यस्तै दुवै सेमिफाइनलमा विजयी टिम फाइनल खेल्ने छन् भने पराजित टिम तेस्रो स्थानको प्लेअफ खेल्ने छन् ।