काठमाडौ । नेपाल राष्ट्र बैंकका डेपुटी गर्भनर शिवराज श्रेष्ठमाथि लागेको अभियोगको छानबिन गर्न समिती गठन भएको छ ।
सोमबार गर्भनर डा. चिरञ्जीवी नेपालको अध्यक्षतामा बसेको सञ्चालक समितीको बैठकले अनियमितताको छानविन गर्न तीन सदस्यीय छानविन समिती गठन गरेको हो ।
राष्ट्र बैंक श्रोतका अनुसार समितीमा नेपाल राष्ट्र बैंकका सञ्चालक डा. श्रीराम पौडेल संयोजक रहने गरी रामजी रेग्मी र डा. सुवोध कुमार कर्ण रहेकाछन ।
समितीले एक महिनाभित्रमा डेपुटी गर्भनर श्रेष्ठमाथि लागेको अनियमितताको बारेमा छानबिन गरी समितीले प्रतिवेदन बुझाउने राष्ट्र बैंक श्रोतले जानकारी दिएको छ ।
श्रेष्ठमाथि बैंक तथा फाईनान्स कम्पनीहरुलाई खराव कर्जा लुकाउन सहयोग गरेको, सर्वोच्च अदालतमा मुद्धा परेको एनसेलको पक्षमा उभिएको लगायतका आरोपहरु लगाईएकाछन ।