प्रेमगीत ३’ को मोसन टिजर सार्वजनिक, योद्धाको अवतारमा देखिए प्रदिप

खरीबोट

काठमाडौँ । यस वर्षको बहुप्रतिक्षीत फिल्ममध्ये एक ‘प्रेमगीत ३’ को मोसन टिजर सार्वजनिक भएको छ ।

कात्तिक २२ गतेबाट फ्लोरमा निस्कन लागेको फिल्मको टिजर पोस्टरमा प्रदीप खड्कालाई योद्धाको अवतारमा प्रस्तुत गरिएको छ ।

टिजरमा घोडामा सवार उनको अनुहार रगतले लतपतिएको छ । उनको लुक्सले दर्शकमा फिल्मप्रति अझ कौतुहलता जगाउने देखिन्छ ।

छायांकन अगावै आउँदो चैत २८ गतेलाई प्रदर्शन मिति घोषणा गरिएको ‘प्रेमगीत ३’ मा प्रदीपले तेस्रो पटक ‘प्रेम’ को भूमिका निभाउँदैछन् । भने, यसपटक ‘गीत’ को भूमिकामा नव-अभिनेत्री क्रिस्टिना गुरुङ रहेकी छन् । यो फिल्मको अघिल्लो दुई सिरिज प्रेममा आउने उतारचढावमा केन्द्रित थियो । तेस्रो श्रृंखला २ सय वर्ष पुरानो प्रेमकथामा आधारित भएर निर्माण हुन लागेको हो । 

छेतेन गुरुङ र सन्तोष सेनले मिलेर फिल्मको निर्देशन गर्दैछन् । प्रदीप र क्रिस्टिनाका अलावा फिल्ममा शिव श्रेष्ठ, सुनिल थापा, सन्तोष सेन, माओत्से गुरुङ, मनिष राउत, पुस्कर कार्की, प्रेम पुरी, लक्ष्मी वर्देवा, अनुभव रेग्मी, योगिशा खत्री, सम्वृद्धि शाही ठकुरीलगायतका कलाकारहरुको पनि अभिनय रहनेछ । अभिनेता शिवले फिल्ममा राजाको भूमिका निभाउँदैछन् ।

आसुशेन फिल्मस्को ब्यानरमा बन्न लागेको फिल्ममा कल्याण सिंह र एलिश कार्कीको संगीत रहनेछ । फिल्ममा राजेश श्रेष्ठको डिओपी, हिमाल केसीको एक्सन, कविराज गहतराजको कोरियोग्राफी र बनिश शाह/भुपेन्द्र अधिकारीको सम्पादन रहनेछ ।

चक्र बहादुर चन्द र डम्बर विक्रम सेन कार्यकारी निर्माता रहेको फिल्ममा कुमार सेन र ओएसआर डिजिटल सह-निर्मातामा छन् ।
 

सम्बन्धित समाचार

ए मेरो हजुर-४ मा अनमोल अनुबन्धित 

काठमाडौँ । अभिनेता अनमोल केसीले 'ए मेरो हजुर ३' को सफलतापछि ए मेरो हजुरको चौथो संस्करणमा पनि आउने भएका छन् । ए मेरो हजुर-३ निर्देशन गरेकी निर्देशक तथा निर्मात्री झरना थापाले

अभिनेत्री शिल्पा अदालतमा हाजिर, साधारण तारेख छोड्न आदेश 

काठमाडौँ । जिल्ला अदालतले बहुविवाहको मुद्दामा नायिका शिल्पा पोखरेललाई साधारण तारेखमा छाड्न आदेश दिएको छ । बहुविवाहको मुद्दामा फरार रहेकी शिल्पा शुक्रबार जिल्ला अदालत, काठमाडौंमा हाजिर भएकी हुन् । शुक्रबारै उनलाई

भिटेनले गाए ‘सरौतो’को प्रमोशनल गीत 

काठमाडौँ ।  युवापुस्ता माँर्झ यापर भिटेन (समिर घिसिङ) परिचित छन् । उनका गीतले ट्रेण्डिङको शिर्ष स्थान पाउनुले नै उनको फ्यान फ्लोअर्सलाई प्रस्ट्याउछ । र्यापमार्फत उदाएका भिटेनले मङ्सिर १३ गते रिलिज हुने

‘प्रेम गीत ३’ को सुभमुहर्त, आजैदेखि छायांकनमा

काठमाडौँ । बर्षकै प्रतिक्षित चलचित्र ‘प्रेम गीत ३’को छायांकन सुरु गरिएको छ ।  काठमाडौँस्थित दक्षिणकाली मन्दिरमा शुभमुहर्त गरेर आजैबाट यो चलचित्रको छायांकन थालिएको हो । चलचित्र आगामी चैत २८ मा प्रदर्शन हुनेछ


z