काठमाडौं । कास्की–२ को उपनिर्वाचनमा नेपाली काँग्रेसका खेमराज पौडेलले आफ्नो उमेदवारी दर्ता गरेका छन् ।
कास्की काँग्रेसका नेता देवराज चालिसे र सोभियतबहादुर अधिकारीको प्रस्ताव र समर्थनमा पौडेलले उमेदवारी दर्ता गरेका हुन् ।
कास्की–२ मा सत्तारूढ नेपाल कम्युनिस्ट पार्टी (नेकपा) बाट विद्या भट्टराईले विहिबार बिहान नै उमेदवारी दर्ता गरेकी थिइन् ।
त्यस्तै साझा पार्टीकी रजनी केसी र अन्य तीनजना स्वतन्त्र उमेदवारले पनि आफ्नो उम्मेद्वारी दर्ता गराएका छन् ।