- २०८१ बैशाख ६ बिहीबार
काठमाडौँ । नेपाल क्रिकेट संघले यस सिजनको पाकिस्तान सुपर लिगको खेलाडी ड्राफ्टको लागि ५ खेलाडीको नाम पठाएको छ ।
क्यानका सचिव अशोक प्याकुरेलका अनुसार पिएसएलको ड्राफ्टका लागि क्यानले आइसीसीलाई करण केसी, आरिफ सेख, विनोद भण्डारी, पवन सराफ र ललित राजबंशीको नाम पठाएको छ ।
आइसीसीले ड्राफ्टमा संलग्न गर्न नेपाली खेलाडीको नाम पाकिस्तानी क्रिकेट बोर्डलाई पठाउने सचिव प्याकुरेलले जानकारी दिएका छन् ।
यस अघि चार संस्करणमा सम्पन्न पीएसएलमा नेपाली खेलाडी सन्दीप लामिछाने अघिल्लो सिजनमा लाहोर कलान्दरबाट खेलेका थिए । यस सिजनको ड्राफ्टमा सन्दीपसहित सोमपालपनि आ-आफ्नो एजेन्टमार्फत सुचिमा रहेको बताइएको छ ।
आगमी फेब्रुअरीमा हुने पीएसएलको खेलाडीक ओंतिम ड्राफ्ट आगामी डिसेम्बर ६ र ७ मा हुदै छ । गत सिजनको शुरुवाती खेल युएईमा भएको थियो भने अन्तिम चरणका खेल पाकिस्तानमा भएका थिए तर यस सिजनका सबै खेल पाकिस्तानमा हुने निश्चित भएको छ ।
