- २०८१ बैशाख ७ शुक्रबार
काठमाडौँ । त्रिभुवन अन्तर्राष्ट्रिय विमानस्थलको पार्किङमा श्री एयरको सिआरजे ७०० जहाजले यती एयरको एटिआर-७२ जहाजलाई ठक्कर दिएको छ ।
अवतरणपछि पार्किङमा आउँदै गरेको श्रीको जहाजले पार्किङ गरिराखेको यतिको एटिआर जहाजलाई शुक्रबार दिउँसो ठक्कर दिएको विमानस्थल कार्यालयले जानकारी दिएको छ ।
ठक्करबाट यतिको एटिआर जहाजको पछाडिको भागमा सामान्य क्षति भएको बताइएको छ ।
विमानस्थल कार्यालयले घटना सामान्य भएकाले विमानस्थलमा आवागमनमा कुनै समस्या नआएको बताएको छ ।
