- २०८१ बैशाख ६ बिहीबार
काठमाडौँ । टोखा नगरपालिकामा आर्थिक वर्ष २०७५/७६ मा ९९.२१ प्रतिशत राजश्व सङ्कलन भएको छ।
नगरपालिकाले आव २०७५/७६ मा रु १५ करोड ३० लाख ७५ हजार १०० राजश्व सङ्कलन हुने अनुमान गरिएकामा रु १५ करोड १८ लाख ७० हजार ५ सय ६७ राजश्व सङ्कलन गरेको राजश्व शाखा प्रमुख दामोदर भण्डारीले जानकारी दिए।
करदातालाई करको दायरामा ल्याउन वडा–वडामा विभिन्न जनचेतनामूलक कार्यक्रम पनि गर्दै आइरहेको जनाएको छ । नगरपालिकाका अनुसार आव २०७५/७६ मा निवेदन दस्तुरबाट रु ७८ हजार तिन सय, नक्सापास दस्तुरवापत रु ४२ लाख ३९ हजार दुई सय ७४, ‘घ’ वर्ग अनुमति दस्तुरबाट रु ४३ हजार चार सय १०, व्यक्तिगत घटना दर्ता जरिवनाबाट रु ७५ हजार, विभिन्न सिफारिश दस्तुरबाट रु १२ लाख ४२ हजार पाँच सय र अन्य आम्दानीबाट रु ६ लाख ९५ हजार ७१ राजश्व सङ्कलन गरिएको छ ।
त्यस्तै आर्थिक वर्ष २०७४/७५ मा नगरपालिकाले रु ८८ लाख ५७ हजार पाँच सय १ राजश्व सङ्कलन गर्ने लक्ष्य लिएकामा रु ९२ लाख ५४ हजार नौ सय ३१ राजश्व सङ्कलन भएको थियो ।
आव २०७४/७५ मा घरजग्गा र सम्पत्ति करबाट रु ५० लाख ३४ हजार ६ सय २५, मालपोत तथा भूमि करबाट रु २५ हजार सात सय ३७, बहाल करबाट रु २८ हजार २७ लाख ६ सय ८६, व्यवसाय दर्ता करबाट रु १० लाख ८९ हजार ६ सय ८२, विज्ञापन करबाट ४८ हजार पाँच सय १ र बहाल विटौरी करबाट ४५ हजार तिना सय ६ राजश्व सङ्कलन भएको कार्यालयले जनाएको छ ।
नगरपालिकाले वडा नं १ र २ मा ग्रामीण क्षेत्र भएकाले त्यहाँका बासिन्दालाई करमा ४० प्रतिशत छुट दिइएको प्रमुख भण्डारीले जानकारी दिए ।
यस्तै भूकम्पपीडितलाई ७५ प्रतिशत छुट र सम्पत्तिकरमा साउन, भदौँ, असोज तथा कात्तिक महीनाभित्र कर बुझाउनेलाई १० प्रतिशत छुट दिइएको नगरपालिकाले जनाएको छ ।
