दीपक चहरले तीन दिनमा दोस्रो पटक लिए ह्याट्रिक

खरीबोट

काठमाडौं । भारतीय तिब्र गतिका बलर दीपक चहरले तीन दिनमा दोस्रो पटक ह्याट्रिक लिएका छन् । गत आइतबार मात्र टी-२० अन्तर्राष्ट्रिय क्रिकेटमा बंगलादेशविरुद्ध ह्याट्रिक लिएका चहरले त्यसको तीन दिनपछि मंगलबार भएको घरेलु खेलमा ह्याट्रिक लिएर नयाँ रेकर्ड बनाएका छन् ।

चहरले अहिले जारी मुश्ताक अली ट्रफीमा राजस्थानबाट विदर्भविरुद्ध खेल्दै लगातार तीन बलमा तीन विकेट लिएर तीन दिनमा दोस्रो पटक ह्याट्रिक पुरा गरेका हुन् ।

यस खेलमा चहरले ३ ओभरमा १८ रन दिएर ४ विकेट लिएका छन् ।     

गत आइतबार बंगलादेशविरुद्धको खेलमा चहरले ३.२ ओभरमा ७ रन दिएर ह्याट्रिकसहित ६ विकेट लिदै नयाँ विश्व रेकर्ड बनाएका थिए ।

चहरले १८औ ओभरको अन्तिम बलमा विकेट लिएका थिए भने २०औ ओभरको शुरुकै दुई बलमा दुई विकेट लिदै आफ्नो ह्याट्रिक पुरा गरेका थिए । यो सँगै चहर टी-२० अन्तर्राष्ट्रिय क्रिकेटमा ह्याट्रिक लिने पहिलो भारतीय बलर बनेका छन् ।

त्यस्तै चहरले सन् २०१२ मा श्रीलंकाका अजन्ता मेन्डिसले बनाएको टी-२० अन्तर्राष्ट्रिय क्रिकेटको विश्व किर्तिमानलाई तोडेका छन् । मेन्डिसले जिम्बाबेविरुद्ध २०१२ सेप्टेम्बर १८ मा ४ ओभरमा ८ रन दिएर ६ विकेट लिदै नयाँ विश्व किर्तिमान बनाएका थिए । चहरले अब मेन्डिसको यो किर्तिमान तोडेर टी-२० अन्तर्राष्ट्रिय क्रिकेटमा अहिलेसम्मकै उत्कृष्ट बलिङको नयाँ किर्तिमान बनाएका छन् ।

त्यस्तै टी-२० क्रिकेटमा तेस्रो उत्कृष्ट बलिङको रेकर्ड पनि मेन्डिसकै नाममा छ । मेन्डिसले सन् २०११ मा अस्ट्रेलियाविरुद्ध ४ ओभरमा १६ रन दिएर ६ विकेट लिएका थिए ।

त्यस्तै चौथो रेकर्ड भने भारतीय बलर युजवेन्द्र चहलको नाममा रहेको छ । चहलले सन् २०१७ मा इङल्याण्डविरुद्ध ४ ओभरमा २५ रन दिएर ६ विकेट लिएका थिए ।
 

सम्बन्धित समाचार

मदनको ह्याट्रिकले गुलरिया नगरपालिका बिजयी

बर्दिया(स्याउलीबजार) । बढैयाताल गाँउपालिकामा आयोजित जिल्लास्तरीय फुटबल प्रतियोगिताको आज आइतवार भएको दोस्रो खेलमा मदन सुनारको ह्याट्रिकको मदतले गुलरिया नगरपालिका बिजयी भएको छ । गुलरिया नगरपालिकाले बारबर्दिया नगरपालिकालाई २ का विरुद्ध

बार्सिलोनाको जितमा मेसीको कीर्तिमानी ह्याट्रिक, रोनाल्डोलाई उछिने

काठमाडौँ । स्पेनिस ला लिगा अन्तर्गत बार्सिलोनाले माल्लोर्कामाथि शानदार जित हासिल गरेको छ । गएराती सम्पन्न खेलमा बार्सिलोना माल्लोर्कालाई ५-२ गोल अन्तरले पराजित गरेको छ । बार्सिलोनाको जितमा लियोनेल मेसीले अर्को ह्याट्रिक

वेस्टइन्डिजविरुद्धको टी-२० सिरिजमा अफगानिस्तानको कब्जा

काठमाडौं । अफगानिस्तानले वेस्टइन्डिजविरुद्धको टी-२० सिरिज जितेको छ । गएराती सम्पन्न सिरिजको अन्तिम खेलमा वेस्टइन्डिजलाई २९ रनले पराजित गर्दै अफगानिस्तानले सिरिज २-१ ले जितेको हो । अफगानिस्तानले दिएको १५७ रनको लक्ष्य पछाएको

युरोकप छनौटमा रोनाल्डोको ह्याट्रिकमा पोर्चुगल विजयी 

काठमाडौं । युरोकप २०२० को छनौट अन्तर्गत समुह बि मा पोर्चुगलले लिथुआनियालाई फराकिलो गोल अन्तरले पराजित गरेको छ । पोर्चुगलले लिथुआनियालाई ६-० गोल अन्तरले पराजित गरेको हो । पोर्चुगलको जितमा क्रिस्टियानो


z