बारा । ट्रयक्टरले ठक्कर दिदा बारामा एक जना मोटरसाईकल चालकको मृत्यु भएको छ ।
दुर्घटनमा परि कलैया उपमहानगरपालि वडा नं.३ भवानिपुर बस्ने बिनोद साहको मृत्यु भएको हो ।
बिरगंजबाट कलैया तर्फ जाँदै गरेको ना.७.त.२६६ नम्बरको ट्याक्टरले मोतिसर कोईरियाटोला चोकमा साह चलाउँदै गरेको ना.३.प.५१३६ नम्बरको मोटरसाईकललाई ठक्कर दिएको थियो ।
ट्याक्टरको ठक्करबाट साहको घटना स्थल मैं मृत्यु भएको प्रहरीले जनाएको छ । ट्याक्टर चालक फरार छन् । उनको खोजी कार्य भईरहेकाे जिल्ला प्रहरी कार्यालय बाराका प्रवक्ता रंजितसिंह राठौरले जानकारी दिएका छन् ।