साग खेलकूद सफल पार्न सरकार कटिबद्ध छ : मन्त्री विश्वकर्मा

खरीबोट

पोखरा । युवा तथा खेलकूदमन्त्री जगतबहादुर विश्वकर्माले मुलुकको प्रतिष्ठानसँग जोडिएको १३औँ साग खेलकूद प्रतियोगिता भव्य र सभ्यरूपमा सफल पार्न सरकार कटिबद्ध रहेको बताएका छन्।

आगामी मङ्सिर १५ गतेदेखि सञ्चालन हुने प्रतियोगिताको तयारीबारे प्रचार–प्रसार तथा प्रकाशन समितिद्वारा पोखरामा आयोजित पत्रकार भेटघाटमा उनले प्रतियोगिताका लागि आवश्यक भौतिक पूर्वाधार निर्माण भइसकेको जानकारी दिए।

चुनौतीका रूपमा रहेको भौतिक पूर्वाधार निर्माणसँगै सफलता प्राप्तिका लागि राष्ट्रिय टिम तयारीको काम अगाडि बढाइएको बताउँदै उनले खेलाडीलाई स्वदेश र विदेशमा समेत बन्द प्रशिक्षणमा सहभागिता गराइएको बताए।

दशरथ रङ्गशाला, सातदोबाटोस्थित पौडीपोखरी, पोखरा रङ्गशालामा आवश्यक भौतिक पूर्वाधार निर्माणमा बजेटको कुनै पनि कमी हुन नदिएको बताउँदै मन्त्री विश्वकर्माले प्रतियोगितामा नेपाली खेलाडीले उच्च मनोवलका साथ खेल प्रदर्शन गर्ने वातावरण तयार गरिएका कारण सफलता प्राप्त गर्ने विश्वास व्यक्त गरे।

पहिलोपटक १९८४ मा साग खेलकूद प्रतियोगिताको आयोजना गरेर खेल क्षेत्रले गौरव गर्ने इतिहास रचेको नेपालले आठौँ र अहिले १३औँ संकरण पुनः आयोजना गर्ने अवसर प्राप्त गरेको स्मरण गर्दै प्रतियोगितालाई सफल पार्न सम्पूर्ण देशवासीको सामूहिक दायित्व भएको बताए।

प्रचार–प्रसार उपसमिति सहसंयोजक रञ्जन अधिकारीको अध्यक्षतामा भएको कार्यक्रममा पत्रकार दीननाथ बरालले खेलकूदको माध्यमबाट पोखराको पर्यटन विकासमा सहयोग पुग्ने धारणा प्रकट गरे।

यसअघि पोखरा रङ्गशालामा निर्माण भइरहेका भौतिक पूर्वाधारको स्थलगत निरीक्षण गरेका मन्त्री विश्वकर्माले फुटबल मैदानमा दुबो रोप्ने र प्यारापिट निर्माणमा तीव्रता दिन निर्माण कम्पनीलाई निर्देशन दिएका थिए। 

सागअन्तर्गत पोखरा रङ्गशालामा महिला क्रिकेट, प्याराग्लाइडिङ, व्याडमिन्टन, महिला फुटबल, भारोत्तोलन, विट भलिबल, ह्याण्डबल, ट्रयाथोलन र आरचरीलगायतका नौवटा खेल सञ्चालन गरिने भएको छ।
 

सम्बन्धित समाचार

पानीमा भिजेर साग विजेताको नगर परिक्रमा (फोटो फिचर)

काठमाडौं । १३औं दक्षिण एसियाली खेलकुद (साग)का पदक विजेता खेलाडीलाई सम्मानस्वरुप शुक्रबार काठमाडौं नगर परिक्रमा गराइएको छ । खेलाडीहरुलाई काठमाडौं, भक्तपुर र ललितपुरमा नगर परिक्रमा गराउने तयारी गरिएपनि वर्षा र

सुदूरपश्चिम प्रदेश सरकारले सागका पदक विजेतालाई पुरस्कृत गर्ने

कैलाली । सुदूरपश्चिम प्रदेश सरकारले भर्खरै सम्पन्न भएको १३औ दक्षिण एशियाली खेलकूद प्रतियोगिता (साग) का पदक विजेता खेलाडीहरूलाई नगद पुरस्कारसहित सम्मान गर्ने भएको छ । दक्षिण एसियाली खेलकूद प्रतियोगितामा सुदूरपश्चिम प्रदेशबाट

सरकारले घोषणा गरेको पुरस्कार रकममा अन्योलता, खेलाडीले कति पाउलान् ? 

काठमाडौँ । १३औ दक्षिण एशियाली खेलकुद (साग) मा पदक विजेतालाई प्रधानमन्त्री केपी शर्मा ओलीले घोषणा गरेको प्रोत्साहन वापतको रकम बारे बुझाईमा फरक परेको देखिएको छ । प्रधानमन्त्री ओलीले रकम घोषणा गर्दै

जलपरी गौरिकाले कति पाउने भईन् ?

काठमाडौँ । १३औं दक्षिण एसियाली खेलकुद (साग) मा पदक जितेका खेलाडीलाई प्रधानमन्त्री केपी शर्मा ओलीले प्रोत्साहन प्याकेज घोषणा गरे सँगै कसले कति पाउने भन्ने हिसाब किताब शुरु भएको छ । सरकारले


z