• २०८१ बैशाख ८ शनिबार

खालि भेटियो आयल निगमको हराएको ट्यांकर 

kharibot

जनकपुरधाम । लहानस्थित पूर्वपश्चिम राजमार्गअन्तर्गत हुलाक कार्यालय अगाडिबाट अपहरमा परेको जनाइएको डिजेलले भरिएको ट्याङ्कर खालि रहेको अवस्थामा फेला परेको छ ।

नेपाल आयल निगमको उक्त ट्याङ्कर धनुषाको महेन्द्रनगरमा फेला परेको प्रहरीले जनाएको छ । 

मूल सडकबाट केहि मिटर भित्री कच्चि सडकमा रोकिराखेको अवस्थामा ट्याङ्कर फेला परेको प्रहरीले जनाएको छ ।

ना ४ ख ४१६३ नम्बरको ट्याङ्कर एकाएक हराएको समाचार सार्वजनिक भएपछि खोजविन गर्न एक टोली नै गठन भएको थियो । घटनाबारे प्रहरी अनुसन्धान अगाडी बढाएको जनाएको छ । 

उक्त लुटमा संलग्नको विभिन्न कोणबाट खोजी कार्य जारी रहको पनि प्रहरीले जानकारी गराएको छ ।

यसैबिच आयल निगमले डिलेज लोड भएको ट्याङ्कर हराएको सम्बन्धमा सत्यतथ्य पत्ता लगाउन छानबिन समिति गठन गरेको थियो ।

निगमले प्रदेश नं १ का प्रमुख इञ्जिनीयर अशोक साहको संयोजकत्वमा चार सदस्यीय छानबिन समिति गठन गरेको हो । समितिलाई सात दिनभित्र सत्यतथ्य पत्ता लगाएर प्रतिवेदन पेश गर्न निर्देशन दिइएको छ ।

निगमको इन्धन डिपो अमलेखगञ्जबाट यही मङ्सिर १ गते अपराह्न २ बजे २० हजार डिजल लोड गरेर १ नं प्रादेशिक कार्यालय विराटनगर प्रस्थान गरेको ना४ख ४१६३ नम्बरको ट्याङ्कर सोही दिन राति सिरहाबाट बेपत्ता भएको थियो ।

सिरहाको लहानस्थित पूर्वपश्चिम राजमार्गअन्तर्गत हुलाक कार्यालय अगाडि पार्किङ गरी विश्राम गरेको अवस्थामा मध्यरातमा अन्दाजी आठ जनाको समूहले चालक र सहचालकको आँखामा पट्टी लगाई बर्दिबास र लालबन्दीको बीचको जङ्गलमा छाडेका थिए ।

निगमका ढुवानीकर्ता राजेशकुमार गुप्ताको नाममा सम्झौता भई सञ्चालनमा आएको सो ट्याङ्कर अज्ञात समूहले नै चलाएर लगेको प्रारम्भिक अनुमान गरिएको निगमले जनाएको छ ।
 

सम्बन्धित खबर

पढ्नै पर्ने

लोकप्रिय

भर्खरै