काठमाडौँ । हाल हिरासतमा रहेका पूर्वसभामुख कृष्णबहादुर महराले जिल्ला अदालत काठमाडौंले गरेको आदेश बदर गर्न माग गर्दै बिहीबार उच्च अदालत पाटनमा निवेदन दिएका छन् ।
महिला कर्मचारीलाई बलात्कार गरेको र प्रतिकार गर्दा शारीरिक हिंसा गरेको अभियोगमा कारागार चलान भएका महराले बिहीबार जिल्ला अदालतको आदेश बदर गरी थुनामुक्त गराउन माग गर्दै निवेदन दिएका हुन् ।
महराको निवेदनमाथि कैफियत प्रतिवेदन मागको लागि शुक्रबार उच्च अदालतको इजलासमा पेस गरिने र त्यसपछि निवेदन सुनुवाइको प्रक्रिया शुरु हुने बताइएको छ ।
महरालाई जिल्ला अदालत काठमाडौंले गत कात्तिक १८ गते पुर्पक्षको लागि थुनामा राख्न आदेश दिएको थियो । सोहि आदेश अनुसार अहिले महरा डिल्लीबजारस्थित कारागारमा रहेका छन् ।