- २०८१ बैशाख ७ शुक्रबार
काठमाडौँ । बायर्न म्युनिख जर्मनीको लिग अन्तर्गतको खेलमा बायर लिभरकुसनसँग पराजित भएको छ ।
गएराती भएको खेलमा बायर्न आफ्नै घरेलु मैदानमा लिभरकुसनसँग २-१ गोल अन्तरले पराजित भएको हो ।
लिभरकुसनको जितका लागि लिओन बेलीले दुई गोल गरेका थिए । बेलीले खेलको १०औ मिनट र ३५औ मिनेटमा गोल गरेका थिए । त्यस्तै बायर्नका लागि एक गोल थोमस मुलरले खेलको ३४औ मिनेटमा गरेका थिए ।
योसँगै लिभरकुसनले सन् २०१२ देखि पहिलो पटक बायर्नविरुद्ध जित निकालेको छ ।
यो हारसँगै बुन्डेसलिगामा बायर्न चौथो स्थानमा पुगेको छ । बायर्नको १३ खेलमा २४ अंक रहेको छ । साथै लिभरकुसनको भने १३ खेलमा २२ अंकसहित लिगको सातौ स्थानमा रहेको छ ।
अहिलेसम्म लिगमा लेइपजिग १३ खेलमा २७ अंकसहित शिर्ष स्थानमा छ ।
