- २०८१ बैशाख १२ बुधबार
कास्की । शनिबार सम्मपन्न उपनिर्वाचन अन्तर्गत एकमात्र प्रतिनिधिसभा सदस्यका लागि भएको कास्की–२ को मतगणना जारी रहेको छ ।
पछिल्लो मतगणना अनुसार कास्की-२ मा नेकपाकी उम्मेदवार विद्या भट्टराईले अग्रता बढाएकी छन् ।
प्राप्त मतपरिणाम अनुसार नेकपाकी उम्मेदवार विद्या भट्टराईले ७७०१ मतको अग्रता बनाएकी छन् । भट्टराईले अहिलेसम्म १५ हजार ५०८ मत पाएकी छन् भने नेपाली कांग्रेसका उम्मेदवार खेमराज पौडेलले ७ हजार ८०७ मत प्राप्त गरेका छन् ।
त्यस्तै समाजवादी पार्टीका धर्मराज गुरुङले ९०२ मत प्राप्त गरेका छन् भने राप्रपाका रोम बहादुर भण्डारीले ३६० मत प्राप्त गरेका छन् । त्यस्तै साझा पार्टीका रजनी केसीले ३६८ मत पाएकी छन् ।
निर्वाचन आयोग कास्कीका सूचना अधिकारी रुद्र न्यौपानेका अनुसार राती साढे १० बजे मतगणना सुरु गर्ने तयारी गरिए पनि मुचुल्का विवादले बिहान साढे ४ बजे मात्रै मतगणना सुरु भएको हो ।
२०७४ सालको निर्वाचनमा नेकपाका रवीन्द्र अधिकारीले कांग्रेसका देवराज चालिसेलाई ८ हजार ५ सय ४६ मत अन्तरले पराजित गरेका थिए । अधिकारीले २७ हजार २ सय ७ र चालिसेले १८ हजार ६ सय ६१ मत पाएका थिए ।
