काठमाडौँ । १३औं दक्षिण एसियाली खेलकुद (साग) को समापनको दिन समाचार सङ्कलनका क्रममा प्रहरीले पत्रकार सुमन चापागाईंलाई कुटपिट गरेको छ ।
नागरिक दैनिकमा कार्यरत पत्रकार चापागाईंलाई प्रहरीले मङ्गलबार बिहान दशरथ रङ्गशाला परिसरमा कुटपिट गरी घाइते बनाएको हो । प्रहरीको कुटपिट भएका घाइते उनको त्रिपुरेश्वरस्थित ब्लुक्रस अस्पतालमा उपचार भइरहेको छ ।
रङ्गशाला प्रवेश गर्ने दर्शकलाई प्रहरीले कुटपिट गरिरहेको तस्बिर खिच्ने क्रममा पत्रकार चापाईंमाथि कुटपिट भएको हो ।
आज नेपाल र भूटानबीच हुने पुरुष फुटबलको फाइनलको टिकट नपाएर अन्योलमा रहेका दर्शक टिकटका लागि दशरथ रंगशाला बाहिर पुगिरहेका बेला प्रहरीले उनीहरुमाथि लाठि प्रहार गरेको छ ।