काठमाडौँ । मिस नेपाल-२०१९ अनुष्का श्रेष्ठ ‘मिस वर्ल्ड प्रतियोगिता’ को टप १२ बाट बाहिरिए पनि ब्युटी वीथ परपोजको उपाधि जितेकी छन् ।
अनुष्काले यो सँगै यस मिस वर्ल्डमा दुई उपाधि जितेकी छन् । अनुष्काले यस अघि मल्टिमिडिया अवार्ड पनि जितेकी थिइन् ।
त्यस्तै एशिया प्यासिफिकबाट भारत टप ५ मा पुगेसँगै अनुष्का बाहिरिएकी हुन् । यससँगै टप ५ मा भारतसँगै फ्रान्स, जमैका, ब्राजिल र नाइजेरिया टप ५ मा पुगेका छन् ।
यस अघि टप १२ मा नेपालसहित भारत, मेक्सिको, ब्राजिल, नाइजेरिया, केन्या, फ्रान्स, जमैका, भियतनाम, फिलिपिन्स, रसिया र कुक आइल्याण्ड टप १२ मा पुगेका थिए ।
यसअघि अनुष्का हेड टु हेड च्यालेन्ज राउन्ड टु जितेर टप ४० मा पर्न सफल भएकी थिइन् ।