मेसी बार्सिलोनामै रिटायर्ड हुनुपर्छ – जाभी 

खरीबोट
ad

काठमाडौँ । बार्सिलोनाका लिजेण्ड प्लेमेकर जाभीले लियोनेल मेसीले बार्सिलोनाबाटै सन्यास लिनुपर्ने धारणा व्यक्त गरेका छन् । 

बार्सिलोनाबाट रेकर्ड ७६७ खेल खेलेका जाभीले बार्सिलोनालाई मेसीको जरुरत भएकाले मेसी बार्सिलोनामै बस्नुपर्ने बताएका छन् । 

मेसीले बार्सिलोना छोड्ने खबर तरंगित भइरहेका बेला जाभीको यस्तो भनाई आएको हो । बार्सिलोनाका अध्यक्ष र ला लिगाका अध्यक्षले मेसीले बार्सिलोना नछोड्ने दाबि गरिरहे पनि मेसीले अहिलेसम्म आफ्नो सम्झौताको नवीकरण भने नगरेको बताइएको छ । 

हाल कतारको अल सद क्लबबाट खेलिरहेका जाभीले एक अन्तर्वार्तामा मेसीले सम्झौता नविकरण गरेको विषयमा आफुलाई जानकारी नभए पनि बार्सिलोनालाई अहिले मेसीको जरुरत रहेको छ त्यसैले उनले आफ्नो क्यारियर बार्सिलोनामै अन्त्य गर्नु पर्दछ भनेका छन् । फुटबल इतिहासकै उत्कृष्ट खेलाडी भएकाले मेसी बार्सिलोनामै बसेर अझ धेरै उपाधि जिताउनु पर्ने जाभीले बताए ।

जाभीलाई २०२२ को विश्वकपका लागि कतारको राष्ट्रिय टिमको म्यानेजर बन्ने प्रस्ताव बारे बोल्दै जाभीले आफु म्यानेजरको लाइसेन्स लिने प्रक्रियामा रहेको र कतार जस्तो टिमको म्यानेजर बन्न पाउने प्रस्ताव मेरा लागि गर्वको कुरा भएको बताए । कतारलाई २०२२ को विश्वकपका लागि तयार गर्न जाभीलाई म्यानेजरको प्रस्ताव गरिएको छ ।

बार्सिलोनाका लागि चार पटक च्याम्पियन्स लिग र स्पेनका लागि विश्वकप जित्दाका महत्वपूर्ण खेलाडी जाभिले आफुले विश्वका उत्कृष्ट म्यानेजरसँग खेलेकाले आफुमा म्यानेजरमा हुनुपर्ने गुण भएको बताए ।   
 

सम्बन्धित समाचार

बार्सिलोनाको विजयी यात्रामा गिरोनाले ब्रेक लगायो, डेभ्यु खेलमै लेन्गलेटले रातो कार्ड खाए  

काठमाडौँ। ला लिगामा बार्सिलोना बराबरीमा रोकिएको छ।  गएराती भएको खेलमा बार्सिलोना गिरोनासँग २-२ गोलको बराबरीमा रोकिएको हो। बराबरीमा रोकिएसँगै बार्सिलोनाले ला लिगामा विजयी यात्रामा ब्रेक लागेको छ।  खेलको ३५ औ मिनेटमा

च्याम्पियन्स लिगमा मेसीको जादु,  ह्याट्रिक हानेर बार्सिलोनालाई जिताए 

काठमाडौँ।  च्याम्पियन्स लिगमा बार्सिलोनाले विजयी सुरुवात गरेको छ। गएराती भएको खेलमा नेदरल्यान्ड्सको क्लब पीएसभीविरुद्धको खेलमा बार्सिलोनाले ४-० को जित निकालेको छ।   बार्सिलोनाको जितमा लियोनेल मेसीले ह्याट्रिक गरेका छन् भने एक

ला लिगामा रियल म्याड्रिड बराबरीमा रोकिदा बार्सिलोनालाई फाइदा 

काठमाडौँ।  ला लिगामा रियल म्याड्रिड बराबरीमा रोकिएपछि बार्सिलोनालाई लिगमा सुरुवाती फाइदा भएको छ। गएराती बह्येको खेलमा रियल म्याड्रिड एथलेटिक बिल्बाओसँग १-१ गोलको बराबरीमा रोकिएपछि रियल म्याड्रिड बार्सिलोनाभन्दा पछाडी परेको हो

रियल सोसीइडाडमाथि बार्सिलोनाको संघर्षपूर्ण जित, स्वरेज र डेम्बेलेले गरे गोल  

काठमाडौँ।  ला लिगामा बार्सिलोनाले आफ्नो विजयी यात्रालाई कायम राखेको छ। गएराती भएको खेलमा बार्सिलोनाले रियल सोसीइडाडलाई २-१ गोल अन्तरले पराजित गरेको छ।  खेलको ६२ मिनेटसम्म १-० ले पछि परेको बार्सिलोनाले तीन