कोन्टिन्हो र ओजिलमा को आउला बार्सिलोनामा ? मेसीले दिए यस्तो सुझाव  

खरीबोट
ad

काठमाडौँ । बार्सिलोनाले नेइमारको बहिर्गमनपछि नयाँ प्लेमेकर भित्राउन संघर्ष गरिरहेको देखिएको छ ।

बार्सिलोनाले खेलाडी भित्राउने विषयमा अनेकन रिपोर्टहरु बाहिर आएका छन् । यसमा प्रमुख नाम लिभरपुलबाट खेल्ने ब्राजिलका प्लेमेकर फिलिप कोन्टिन्हो र आर्सनलबाट खेल्ने जर्मनीका मेसुट ओजिल रहेका छन् ।

स्पेनिस मिडिया डियारियो गोलका अनुसार ओजिल र कोन्टिन्होको उमेरको विषय निर्णायक हुने देखिएको छ । बार्सिलोनाका स्टार खेलाडी लियोनेल मेसीले म्यानेजर इर्नेस्टो भंल्भेर्डो र क्लबका अध्यक्ष जोसेप बार्टओमिओलाई कोन्टिन्होको तुलनामा ओजिलको उमेर बढी रहेको र उनको प्रदर्शनमा निरन्तरता नरहेको बताएको रिपोर्ट बाहिर आएको छ । कोन्टिन्हो हाल २५ बर्षका छन् भने ओजिल २९ बर्षका भएका छन् ।

मेसीले ओजिल तुलनात्मक रुपमा बुढो भएकोले कोन्टिन्होलाई क्लबमा ल्याउनु हितमा हुने सल्लाह दिएको बताइएको छ । मेसीले जनवरीमा ओजिललाई ल्याउनु भन्दा जुनसम्म पर्खेर कोन्टिन्होलाई ल्याउनु उपयुक्त हुने विचार व्यक्त गरेको बताइएको छ । 

बार्सिलोनामा कोन्टिन्होलाई दिन लागिएको पारिश्रमिकका विषयमा पनि खेलाडीहरु बीच असहमति भएको रिपोर्ट अघिल्लो हप्ता बाहिर आएको थियो । मेसीले सिनियर खेलाडीहरु पिके, इनेष्टालाई अपमान हुनेगरी नयाँ खेलाडी ल्याउन नहुने विचार राखेको रिपोर्ट बाहिर आएको थियो । तर क्लबले कोन्टिन्हो र ओजिलमाथि बढी रुची देखाएपछी मेसीले दुई मध्ये युवा कोन्टिन्होलाई ल्याउनु क्लबको हितमा हुने सुझाव दिइएको बताइएको छ ।

केहि समय अघि मेसीले हाल मोनाकोबाट खेलिरहेका फ्रेन्च मिडफिल्डर थोमस लेमार, हाल लियोनबाट खेलिरहेका अर्का फ्रान्सकै मिडफिलदार नबिल फेकिर र हाल लेस्टर सिटीबाट खेलिरहेका रियाद महरेजलाई भित्राउने सल्लाह दिएको स्पेनिस मिडियाले उल्लेख गरेका थिए ।

त्यस्तै हालै रियल म्याड्रिडविरुद्ध च्याम्पियन्स लिगमा दुई गोल गरेका टोटनह्यामका खेलाडी डेली अलि पनि बार्सिलोनाको दिर्घकालिन खेलाडी हुनसक्ने मेसीले बार्सिलोनाका व्यवस्थापनलाई सुझाव दिएको रिपोर्ट बाहिरिएको थियो ।

सम्बन्धित समाचार

बार्सिलोनाको विजयी यात्रामा गिरोनाले ब्रेक लगायो, डेभ्यु खेलमै लेन्गलेटले रातो कार्ड खाए  

काठमाडौँ। ला लिगामा बार्सिलोना बराबरीमा रोकिएको छ।  गएराती भएको खेलमा बार्सिलोना गिरोनासँग २-२ गोलको बराबरीमा रोकिएको हो। बराबरीमा रोकिएसँगै बार्सिलोनाले ला लिगामा विजयी यात्रामा ब्रेक लागेको छ।  खेलको ३५ औ मिनेटमा

च्याम्पियन्स लिगमा मेसीको जादु,  ह्याट्रिक हानेर बार्सिलोनालाई जिताए 

काठमाडौँ।  च्याम्पियन्स लिगमा बार्सिलोनाले विजयी सुरुवात गरेको छ। गएराती भएको खेलमा नेदरल्यान्ड्सको क्लब पीएसभीविरुद्धको खेलमा बार्सिलोनाले ४-० को जित निकालेको छ।   बार्सिलोनाको जितमा लियोनेल मेसीले ह्याट्रिक गरेका छन् भने एक

ला लिगामा रियल म्याड्रिड बराबरीमा रोकिदा बार्सिलोनालाई फाइदा 

काठमाडौँ।  ला लिगामा रियल म्याड्रिड बराबरीमा रोकिएपछि बार्सिलोनालाई लिगमा सुरुवाती फाइदा भएको छ। गएराती बह्येको खेलमा रियल म्याड्रिड एथलेटिक बिल्बाओसँग १-१ गोलको बराबरीमा रोकिएपछि रियल म्याड्रिड बार्सिलोनाभन्दा पछाडी परेको हो

रियल सोसीइडाडमाथि बार्सिलोनाको संघर्षपूर्ण जित, स्वरेज र डेम्बेलेले गरे गोल  

काठमाडौँ।  ला लिगामा बार्सिलोनाले आफ्नो विजयी यात्रालाई कायम राखेको छ। गएराती भएको खेलमा बार्सिलोनाले रियल सोसीइडाडलाई २-१ गोल अन्तरले पराजित गरेको छ।  खेलको ६२ मिनेटसम्म १-० ले पछि परेको बार्सिलोनाले तीन