सिन्धुलीमा हाइस दुर्घटना हुँदा एक जनाको मृत्यु, आधा दर्जन घाइते

खरीबोट
ad

सिन्धुली । सिन्धुलीको बुकापुलनजिकै मध्याह्न भएको हाइस दुर्घटनामा एक जनाको घटनास्थलमै मृत्यु भएको छ । काठमाडौंबाट गाईघाटका लागि हिँडेको बा३ख ८४६७ नम्बरको यात्रुवाहक हाइस सडकबाट तल घारीमा खसेको हो ।

मध्याह्न १२ बजे दुर्घटना भएको त्यहाँस्थित प्रहरीले खरीबोटलाई जानकारी दिएको छ ।  उक्त हाइस काठमाडौँबाट बिहान गाईघाटका लागि छुटेको थियो ।  सोही क्रममा सिन्धुलीको बुकापुलनजिकै दुर्घटना भएको हो । स्थानीय प्रशान्त सिन्धुलीयनले दिएको जानकारीअनुसार एक जनाको घटनास्थलमै मृत्यु भएको छ ।

जिल्ला प्रहरी कार्यालय सिन्धुलीका एसपी टीकाबहादुर केसीले स२प ५६४७ नम्बरको बाइकसँग ठोक्किएपछि बस अनियन्त्रित भएर ४२ फिट तल खसेको बताए । केसीका अनुसार मृतक उदयपुर त्रियुगा नगरपालिकाका ८४ वर्षीय राजेन्द्र प्रसाद भट्टराई रहेको र १०/१२ जना सामान्य घाइते भएका छन् ।

एक जना कमला खड्कालाई उपचारका लागि काठमाडौं पठाइएको छ । हाइसमा २० जनाजति यात्रु रहेको प्रहरीको भनाइ छ ।

सम्बन्धित समाचार

स्याङ्जाको धराङ्दीमा जिप दुर्घटनामा एकको मृत्यु, १९ घाइते

वालिङ। स्याङ्जाको गल्याङ नगरपालिका–७ धराङ्दीमा आज दिउँसो जिप दुर्घटना हुँदा एकको मृत्यु भएको छ भने १९ जना घाइते भएका छन् ।  गल्याङ नगरपालिका–७ सिरौँसाबाट गल्याङ बजारतर्फ आउँदै गरेको लु१ज ३३८० नंको

अरुणखोलामा बस दुर्घटनामा मृत्यु हुनेको सङ्ख्या ६ पुग्यो, ५ जनाको परिचय खुल्यो (अपडेट)

कावासोती। पूर्व पश्चिम राजमार्गअन्तर्गत नवलपरासीको मध्यविन्दु नगरपालिका–११ अरुणखोलामा बस दुर्घटना हुँदा मृत्यु हुनेको सङ्ख्या ६ पुगेको छ ।  पुरानो मेडिकल कलेज भरतपुरमा उपचारका क्रममा गुल्मी हस्तचौर गाउँपालिका–२ बस्ने ३५ वर्षीय तिलक

बाँदरलाई पड्काएको बन्दुकको गोली लागेर एकको मृत्यु

हुम्ला। बाँदर धपाउन पड्काएको भरुवा बन्दुकको गोली लागेर हुम्लाको सर्केगाड गाउँपालिका–२ रिप बस्ने २८ वर्षीय सुरेन्द्र कार्कीको शुक्रबार मृत्यु भएको छ ।  सोही ठाउँ बस्ने ४० वर्षीय रङ्गमल महताराले आफ्नो स्याउ

नवलपरासीको अरुणखोलामा बस दुर्घटनामा पाँच जनाको मृत्यु, ५१ जना घाइते 

कावासोती। पूर्व पश्चिम राजमार्गअन्तर्गत नवलपरासीको मध्यविन्दु नगरपालिका–११ अरुणखोलामा बस दुर्घटना हुँदा पाँच जनाको मृत्यु भएको छ भने कम्तीमा ५१ जना घाइते भएका छन् ।  इटहरीबाट भैरहवाका लागि छुटेको लु१ख ८४ ५४


z