यस्तो छ विश्वकप फुटबलमा ‘ग्रुप अफ डेथ’ को इतिहास, रसिया विश्वकपमा कुन समुह बन्यो ग्रुप अफ डेथ ?  

खरीबोट
ad

काठमाडौँ । विश्वकप फुटबल भन्ने वित्तिकै कुन समुहमा को पर्यो र कसलाई सजिलो या गार्हो हुन्छ भन्ने विश्लेषण सुरु भइहाल्छ । 

आगामी जुन १४ देखि जुलाई १५ सम्म हुने विश्वकप फुटबल प्रतियोगिताको पहिलो खेल आयोजक रसिया र साउदी अरबबीच हुने भएको छ । यसै बीच हामीले यस विश्वकप र पछिल्ला केहि विश्वकपका ‘ग्रुप अफ डेथ’ समुहका चर्चा गर्न खोजेका छौ । 

हुन् त पोर्चुगल र स्पेन एकै समुहमा छन् तर अन्य टिमको तुलनामा यो दुई टिम दोस्रो चरणमा सजिलै जाने अनुमान गरिएको छ । त्यस्तै इङल्याण्ड र बेल्जियम पन इएकै समुहमा परेका छन् । यस विश्वकपमा ग्रुप अफ डेथ भनेर सिधै भनि हाल्ने स्थिति नभएपनि अन्य समुहको तुलनामा समुह डी लाई ‘ग्रुप अफ डेथ’ मान्न सकिन्छ । 

यस समुहमा अर्जेन्टिना, क्रोसिया, नाइजेरिया र आइसल्याण्ड रहेका छन् । यस समुहमा गत युरो कपमा इङल्याण्ड र अस्ट्रियालाई पराजित गरेर क्वाटरफाइनल सम्म पुगेको आइसल्याण्डले ठुलो ‘सरप्राइज’ दिने क्षमता राख्ने टिम हो । युरोपको सानो यो देशले आगामी विश्वकपमा पनि ठुलो उलटफेर ल्याउने अनुमान सबैले गरेका छन् । 

त्यस्तै यस समुहको अर्को टिम नाइजेरिया अफ्रिकाको बलियो टिम हो । नाइजेरिया पाचौ पटक विश्वकपमा खेल्दै छ । यस टिमलाई पनि विश्वकपमा बलियो टिम मानिएको छ । यस टिमलाई चेल्सीका पुर्वमिडफिल्डर जोन ओबि मिकेलले नेतृत्व गरेका छन् । त्यस्तै यस टिममा आर्सनलबाट खेल्ने २१ बर्षिय एलेक्स इओबी, त्यस्तै हाल लेस्टर सिटीबाट खेल्ने म्यान्चेस्टर सिटीका पुर्व फरवार्ड केलेची इहेनाचो जस्ता खेलाडी रहेका छन् । क्रोसियाले पनि छनौट चरणमा राम्रो खेल प्रदर्शन गर्दै आफु बलियो टिम भएको प्रमाणित गरेको छ । 

छनौट चरणमा संघर्षपूर्ण यात्रा तय गरेर रसिया पुगेको अर्जेन्टिनाले आफ्नो खेलमा व्यापक सुधार गर्नु पर्ने देखिन्छ । स्टार खेलाडीहरुले भरिएको अर्जेन्टिनाको पछिल्ला प्रदर्शनले दर्शकहरुलाई निकै निराश बनाएको थियो । लियोनेल मेसीमाथि भर पर्दा टिमका अन्य खेलाडीहरुको प्रदर्शन ओझेलमा पनि परेको छ । आफ्नो क्षमता अनुसार प्रदर्शन गरे अर्जेन्टिना यस समुहबाट सजिलै दोस्रो चरणमा पुग्न सक्छ अन्यथा आइसल्याण्ड र नाइजेरियाको ‘सरप्राइज फ्याक्टर’ को शिकार अर्जेन्टिना हुन् सक्दछ ।

यसअघिका ग्रुप अफ डेथ समुह :

विश्वकप फुटबलको इतिहासलाई हेर्ने हो भने सन् १९९४ मा अमेरिकामा भएको विश्वकपको समुह ई ग्रुप अफ डेथ मानिएको थियो । यो समुहमा इटाली, मेक्सिको, रिपब्लिक अफ आयरल्याण्ड र नर्वे रहेका थिए । यस समुहमा सबै टिमले ४, ४ अंक हासिल गरेपछि मेक्सिको, रिपब्लिक आयरल्याण्ड र इटाली पहिलो, दोस्रो र तेस्रो हुदै दोस्रो चरणमा प्रवेश गरेका थिए । सो विश्वकपमा इटाली फाइनलमा ब्राजिलसँग पेनाल्टी सुटआउटमा पराजित भएको थियो । पहिलो पटक विश्वकपको उपाधि पेनाल्टी सुटआउटमा निर्णय भएको थियो ।

त्यस्तै सन् १९९८ मा फ्रान्समा भएको विश्वकप फुटबलमा समुह जी ग्रुप अफ डेथ रहेको थियो । यस समुहमा रोमानिया, इङल्याण्ड, कोलोम्बिया र ट्युनिसिया रहेका थिए । यस समुहबाट रोमानिया र इङल्याण्ड समुहमा पहिलो र दोस्रो हुदै दोस्रो चरणमा प्रवेश गरेका थिए । ब्राजिललाई हराउदै यस विश्वकपमा फ्रान्सले विश्वकप जितेको थियो ।

त्यसपछि सन् २००२ मा जापान र कोरियामा आयोजित विश्वकपमा समुह एफ ग्रुप अफ डेथ रहेको थियो । यस समुहमा चर्चित प्रतिद्वन्दी इङल्याण्ड, अर्जेन्टिना स्विडेन र नाइजेरिया रहेका थिए । यस समुहबाट स्विडेन ५ अंक सहित समुहमा शिर्ष स्थान हासिल गर्दै दोस्रो चरणमा गएको थियो भने इङल्याण्ड पनि ५ अंक सहित दोस्रो हुदै दोस्रो चरणमा पुगेको थियो । अर्जेन्टिना भने पहिलो चरणमा नै बाहिरिएको थियो । यस विश्वकपमा ब्राजिलले जर्मनीलाई पराजित गर्दै उपाधि जितेको थियो ।

त्यसपछि सन् २००६ मा जर्मनीमा आयोजित विश्वकपमा समुह ई ग्रुप अफ डेथ रहेको थियो । यस समुहमा इटाली, घाना, चेक गणतन्त्र र अमेरिका रहेका थिए । यस समुहबाट इटाली ७ अंकसहित समुहमा पहिलो हुदै अर्को चरणमा गएको थियो भने घाना ६ अंक सहित दोस्रो हुदै अर्को चरणमा गएको थियो । चेक गणतन्त्र र अमेरिका पहिलो चरणबाटै बाहिरिएका थिए । यो विश्वकप इटालीले फ्रान्सलाई पराजित गर्दै जितेको थियो ।

त्यसपछि सन् २०१० मा दक्षिण अफ्रिकामा योजना भएको विश्वकपमा समुह एच ग्रुप अफ डेथ रहेको थियो । यस समुहमा स्पेन, चिली, स्विटजरल्याण्ड र होन्डुरस रहेका थिए । यससमुहबाट स्पेन र चिली पहिलो र दोस्रो हुदै अर्को चरणमा प्रवेश गरेका थिए भने स्विटजरल्याण्ड र होन्डुरस पहिलो चरणबाटै बाहिरिएका थिए । यो विश्वकप नेदरल्याण्डलाई पराजित गर्दै स्पेनले जितेको थियो ।

सन् २०१४ मा ब्राजिलमा आयोजित विश्वकप फुटबलमा समुह जी ग्रुप अफ डेथ रहेको थियो । यस समुहमा जर्मनी, अमेरिका, पोर्चुगल र घाना रहेका थिए । यस समुहबाट जर्मनी र अमेरिका दोस्रो चरणमा गएका थिए भने पोर्चुगल र घाना पहिलो चरणमै बाहिरिएका थिए । यो विश्वकप अर्जेन्टिनालाई पराजित गर्दै जर्मनीले जितेको थियो ।
       
 

सम्बन्धित समाचार

टि-२० विश्वकपको छनौट प्रतियोगिता खेल्न १८ सदस्यीय प्रारम्भिक टिम छनौट, को को परे ?

काठमाडौँ। सन् २०२० मा अष्ट्रेलियामा आयोजना हुने टि-२० विश्वकपको पूर्वी एशिया उप-क्षेत्रिय छनौट प्रतियोगिता खेल्न १८ सदस्यीय प्रारम्भिक टिम छनौट गरिएको छ।  अक्टोबर ३ देखि १२ सम्म हुने सो प्रतियोगितालागि छानिएका

विश्वकप विजेता फ्रान्सका कप्तान लोरिसलाई जेल सजाय !

लण्डन। एएफपी विश्वकप विजेता फ्रान्सेली टोलीका क्याप्टेन तथा गोलरक्षक ह्युगो लोरिसले जेल सजाय भोग्न अस्वीकार गरेका छन् ।  लण्डनको मध्य भागमा बुधबार मादक पदार्थ सेवन गरेर सवारी चलाएको भेटिएपछि उनलाई जेल

विश्वकप फाइनलिष्ट क्रोसियाको स्पेनसँग लज्जास्पद हार 

काठमाडौँ।  युइएफ़ए नेशनल लिगमा विश्वकपको फाइनलिष्ट क्रोसिया स्पेनसँग लाजज्स्पद हार  बेहोरेको छ।  गएराती भएको खेलमा स्पेनले क्रोसियालाई ६-०    गोल अन्तरले पराजित गरेको छ।  स्पेनको जितमा साउल निगुएज, मार्को असेन्सियो, रोड्रीगो,

विश्वकप विजेता फ्रान्सद्वारा नेदरल्यान्ड्स पराजित, एम्बाप्पे र जिराउडले गरे गोल  

काठमाडौँ। युइएफ़ए नेशनल लिगमा विश्वकप विजेता फ्रान्सले नेदरल्यान्ड्सलाई पराजित गरेको छ। गएराती भएको खेलमा फ्रान्सले नेदरल्यांड्सलाई २-१ गोल अन्तरले पराजित गरेको हो।  फ्रान्सको जितमा किलियन एम्बप्पे र ओलिभर जिराउडले एक एक