कृषक दम्पतीको हत्याबारे सिआइबीले अनुसन्धान थाल्यो

खरीबोट

बारा । बाराको जीतपुरसिमरा उपमहानगरपालिका वडा नं.३ स्थित बजनीमा एक पशुपालक कृषक दम्पतीको बिभत्स हत्या भएको छ । 

गाई पालन व्यावसाय गर्दै आएका ३६ वर्षिय दिपक सुवेदी र उनकी श्रीमती ३२ वर्षिया दीपा सुवेदी को हत्या भएको हो ।

घर नजिकैको गाई फारममा सुतेका उनीहरुको शव शनिवार विहान फेला परेको हो । श्रीमतीको शव गाई फारम भित्र उनीहरु सुत्ने कोठामा र श्रीमानको शव फारम बाहिर परालको टौवा नजिक फेला परेको छ । शव क्षत विक्षत अवस्थामा छ । अनुहार र टाउकोमा गहिरो घाउ चोट लागेको छ ।

घरेलु हात हतियार चक्कु र चिरेको बाँसको भाटाले प्रहार गरेर हत्या गरेको अवस्थामा सुवेदी दम्पतीको शव फेला परेको छ ।

सुवेदी दम्पती गाई फारममा र उनीहरुका छोराछोरी घर मैं सुतेका थिए । बिहान गाईहरु धेरै कराए पछि हेर्न जाँदा शव फेला परेको स्थानीयबासीले बताएका छन् । उनीहरुको गाई फारम घर भन्दा करिब पाँच सय मिटर टाढा खेतको बिचमा एकान्तमा छ । हत्या पछि हत्यामा संलग्न व्यक्ति गाई फारमको पछाडिबाट भागेको हुँन सक्ने प्रहरीको अनुमान छ ।

बिहान करिब ७ बजे गाउँलेबाट प्रहरीलाई खवर भए पछि ईलाका प्रहरी कार्यालय , सिमरा र जिल्ला प्रहरी कार्यालयको टोलीले घटना स्थललाई सुरक्षा घेरामा राखी अनुसन्धान सुरु गरेको छ । थप अनुसन्धानका लागि मकवानपुरबाट तालिम प्राप्त कुकुर ल्याई घटना स्थलमा परिचालित गरिएको छ ।

हत्या अनुसन्धानको लागि काठमाण्डौंबाट केन्द्रिय अनुसन्धान व्यूरो (सीआईबी) को टोली बारा आएको छ । साथै चुनावको सुरक्षामा खटिएका प्रहरी अधिकारीहरुलाई पनि झिकाएर अनुसन्धान अघि बढाईएको जिल्ला प्रहरी कार्यालय बाराका प्रहरी उपरीक्षक राजकुमार बैदवारले जानकारी दिए । दम्पति सुवेदीका सन्तानमा एक १३ बर्षिय छोरी आर्जु सुवेदी र एक १० बर्षिय छोरा आर्जन सुवेदी छन् ।
 

सम्बन्धित समाचार

दुई महिलालाई खुकुरी प्रहार गरी आत्महत्या

भद्रपुर । अर्जुनधारा नगरपालिका–१० कालिझोडाका ४४ वर्षीय खडानन्द पोखरेलले छिमेकी दुई महिलालाई खुकुरीले प्रहार गरी आफूले आत्महत्या गरेका छन् । मृतकलाई आज बिहान छिमेकी महिलाको घर नजिक खोल्सीमा घाँटी सेरिएर मृत्यु

हजारौँको अगाडी मेयरको हत्या

वार्सवा । पोल्याण्डको बन्दरगाह सहर गडाङ्कका मेयरको सोमबार हत्या भएको छ ।  परोपकारी एउटा कार्यक्रममा सहभागी भएका बेला हजारौँ मानिसहरुको अगाडी धारिलो हतियार प्रहार गरी उनको हत्या भएको स्थानीय सञ्चार माध्यमहरले

सांसद संग्रौलाद्वारा निर्मला हत्यासम्बन्धी जरुरी सार्वजनिक महत्व प्रस्ताव दर्ता 

काठमाडौं । नेपाली कांग्रेसकी सांसद डा. डिला संग्रौलाले संसदमा निर्मला पन्त हत्या सम्बन्धी छलफलका लागि जरुरी सार्वजनिक महत्वको प्रस्ताव दर्ता गरेकी छिन् । सांसद संग्रौलाले प्रतिनिधि सभा नियमावली, २०७५ को

‘प्रधानमन्त्रीज्यू, झापाको भ्यु टावरमा चढेपनि निर्मला हत्याको टाटो परैबाट देखिन्छ’

काठमाडौँ । संघीय संसदको प्रतिनिधि सभाको आइतबारको विशेष बैठकमा बोल्दै नेपाली काँग्रेसका सांसद मिनेन्द्र रिजालले भोगविलासबाट गणतन्त्र बलियो नहुने बताएका छन् । सरकारको निर्णयबाट १८ करोडको गाडीमा, डेढ अर्बको हेलिकप्टरमा चढाउने


z