- २०८१ बैशाख ७ शुक्रबार
नयाँ दिल्ली । भारतका विभिन्न राज्यमा भूकम्पको झड्का महसुस गरिएको छ । बुधबार साँझ ८ बजेर ५१ मिनेट जाँदा गएको भूकम्प ५.१ रेक्टर स्केलको भएको अमेरिकी भुगर्व विभागले जनाएको छ ।
भूकम्पको केन्द्र बिन्दु भारतको उत्तराखण्ड राज्यको पिपलकोठीबाट ३४ किलोमिटर उत्तर पश्चिम तर्फ रहेको र भूकम्पको गहिराइ १० किलोमिटर रहेको उल्लेख गरेको छ ।
भारतका विभिन्न राज्यमा भूकम्पको झड्का महसुस भएको भारतीय मिडियाहरुले उल्लेख गरेका छन् । युपीको मेरठ, त्यस्तै देहरादुन, हरिद्वारमा पनि भूकम्पको झड्का महसुस भएको बताइएको छ ।
भूकम्पबाट अहिलेसम्म कुनै क्षतिको विवरण भने प्राप्त भएको छैन ।
