मेचीबाट प्रतिनिधिसभामा पवित्रा निरौला एक्ली महिला सांसद

खरीबोट
ad

सुरुङ्गा, झापा ।  प्रतिनिधिसभा सदस्य निर्वाचनमा वाम गठबन्धनका तर्फबाट नेकपा (एमाले) की पवित्रा निरौला खरेल मेची अञ्चलबाट प्रतिनिधिसभामा प्रतिनिधित्व गर्ने एक्ली महिला बन्नुभएको छ । 

मंसिर २१ गते सम्पन्न निर्वाचनमा झापा क्षेत्र नं २ बाट उहाँ निर्वाचित हुनुभएको हो । योसँगै उहाँले नेपाली काँग्रेसका उम्मेदवार उद्धव थापालाई पराजय गर्दै प्रतिनिधिसभामा प्रतिनिधित्व गर्ने यात्रा तय गर्नुभएको छ । 

प्रतिनिधिसभाको निर्वाचनमा आफ्ना निकटतम प्रतिद्वन्द्वी थापालाई १३ हजार ७६७ मतले पराजित गर्दै उहाँ निर्वाचित हुनुभएको हो । उहाँले ४५ हजार ८१७ मत प्राप्त गर्नुभयो भने थापाले ३२ हजार ५० मत प्राप्त गर्नुभएको थियो । 

एमालेको १ नं प्रदेश सदस्यको जिम्मेवारीमा रहनुभएकी पवित्रा तीन दशकयता झापामा रहेर सक्रिय राजनीति गरिरहनुभएको छ । निरंकुश राज्य सत्ताको दवदवामा आफूलाई जोगाउनसमेत हम्मेहम्मे परेका बेला पनि राजनीतिमा उहाँ उत्तिकै सक्रिय हुनुहुन्थ्यो । 

विसं २०३६ मा स्वतन्त्र विद्यार्थी युनियनको कोषाध्यक्षबाट प्रारम्भ भएको पवित्राको राजनीतिक यात्रा यतिबेला प्रतिनिधिसभा सदस्यमा पुगेको छ । २०३६ सालमा स्वतन्त्र विद्यार्थी युनियनमा रहँदा विद्यार्थी युवा दस्ताको एउटा दरिलो सिपाही पवित्राको फराकिलो आत्मविश्वास र दृढताले राजनीतिक यात्रामा कुनै न कुनै जिम्मेवारी सम्हालीरहनु भयो । 

विसं २०३८ मा अखिल नेपाल महिला संघको गाउँ समिति सदस्य हुँदै उहाँको राजनीतिक यात्राले गति लियो । २०४० सालमा अन्तरराष्ट्रिय श्रमिक महिला दिवसका अवसरमा दमकमा आयोजित समीक्षा बैठकस्थलबाटै उहाँ पक्राउ परेपछि तीन वर्ष जेल पर्नुभयो । 

विसं २०५४ मा जिल्ला विकास समिति झापाको मनोनीत सदस्य भएर उहाँले काम गरिसक्नुभएको छ । बिर्तामोड खानेपानी तथा सरसफाइ समितिमा पवित्राले १० वर्ष बसेर काम गरिसक्नुभएको छ । 

विसं २०६६ मा एमालेको जिल्ला कमिटी सचिवको जिम्मेवारी सम्हाल्नुभएको पवित्रा निरन्तर पार्टीमा क्रियाशील हुनुहुन्छ । त्यसयता उहाँले पार्टीको राष्ट्रिय प्रतिनिधि परिषद् सदस्य बनेर काम गर्नुभएको छ भने अनेम संघको केन्द्रीय सदस्य भएर भूमिका निर्वाह गरिसक्नुभएको छ । 

संविधानसभाको दोस्रो निर्वाचनमा यसै क्षेत्रबाट उहाँ नेपाली काँग्रेसको उम्मेदवारसँग पराजित हुनुभएको थियो । काँग्रेसका उम्मेदवार सुधीरकुमार शिवाकोटीले उहाँलाई थोरै मतान्तरले त्यो बेला पराजित गर्नुभएको थियो । 

छविलाल र खड्गमाया निरौलाकी छोरी पवित्राको जन्म २०२० माघ २० गते झापाको दमकमा भएको हो । उहाँले आइएसम्मको अध्ययन गर्नुभएको छ । 

सम्बन्धित समाचार

प्रतिनिधिसभा बैठकमा धेरै पटक गयल भए २८ सांसद, देउवा ३२ पटक, प्रचण्ड २१ पटक 

काठमाडौं । प्रतिनिधि सभाको गत बैशाख २३ गतेदेखि सुरु भएको बजेट अधिवेशन आजदेखि सकिएको छ। संसदको यो अधिवेशन कुल १३५ दिन सम्म चालु रह्यो भने यस अवधिमा कुल ६९ दिनमा ७९

महिला हिंसा न्यूनीकरणमा समिति सक्रिय बन्ने

काठमाडौँ । प्रतिनिधिसभा, महिला तथा सामाजिक समितिले मुलुकमा बढ्दो महिला हिंसा, बलात्कारजन्य घटना तथा बालबालिका र ज्येष्ठ नागरिकको संरक्षणको कामलाई प्रभावकारी बनाउने भएको छ । समितिको आज सिंहदरबारमा बसेको बैठकले महिला,

प्रतिनिधिसभा : शिक्षा तथा स्वास्थ्य समितिको सभापतिमा घर्ती

काठमाडाँै / प्रतिनिधिसभा शिक्षा तथा स्वास्थ्य समितिका सभापतिमा जयपुरी घर्ती निर्विरोध निर्वाचित भएकी छिन  ।  समितिको आजको बैठकले उनलाई सर्वसम्मतरुपमा सभापतिमा निर्विरोध चयन गरेको हो ।  घर्तीको उम्मेदवारीको प्रस्तावकमा योगेशकुमार भट्टराई र समर्थकमा अन्जना बिशङ्खे

 प्रतिनिधिसभा: उद्योग समितिको सभापतिमा श्रीवास्तव

काठमाडाँै /  प्रतिनिधिसभाअन्तर्गतको उद्योग तथा वाणिज्य र श्रम तथा उभोक्ता हित समितिको सभापतिमा विमलप्रसाद श्रीवास्तव निर्विरोध निर्वाचित भएका छन ।  समितिको आज बसेको बैठकले उनलाई निर्विरोध निर्वाचित गरेको हो । श्रीवास्तवलाई समितिको सभापतिमा विन्दा


z