माघ २ बाट महानगरका भित्री सडकमा चारपाङ्ग्रे सवारीसाधन निषेध 

खरीबोट
ad

काठमाडौँ । काठमाडौं महानगरपालिकाले वडा नम्बर १७, १८, १९, २२, २४, २५, र २७ वडामा माघ २ गतेबाट लागू हुने गरी चारपाङ्ग्रे सवारीसाधन प्रवेशमा रोक लगाउने भएको छ । बुधबार पत्रकार सम्मेलन गर्दै काठमाडौँ महानगर र महानगरीय ट्राफिक प्रहरी महाशाखाले यो अभियान लागू गर्नलागेको सर्वसाधारणलाई जानकारी गराएका हुन् । 

भित्री सहर व्यवस्थित गर्न, अन्य संरचनाका साथै ट्राफिक व्यवस्थापनलाई मध्यनजर गर्दै आगामी माघ २ गतेबाट बिहान ७ बजेदेखि बेलुका ७ बजेसम्म व्यस्त सहरमा आकस्मिक सेवाका साधनबाहेक अन्य चार पाङ्ग्रे सवारीसाधनलाई भोटाहिटीबाट असन चोकसम्म दुईतर्फी पूर्ण निषेध गरिएको हो ।

यस्तै, चारपांग्रे सवारीसाधनहरु एकतर्फी रुपमा नरदेवीबाट भेडासिङ्ग हुँदै इन्द्रचोकसम्म मात्र जान पाउनेछन् । त्यसैगरी, टेङ्गलबाट बाङ्गेमुढा हुँदै भेडासिङ्ग, इन्द्रचोकसम्म जान पाउने, क्षेत्रपाटीबाट ठहिटी हुँदै नघल बाङ्गेमुढा, भेडासिङ्ग हुँदै इन्द्रचोकसम्म एकतर्फी रुपमा मात्र जान पाउनेछन् । 

यस्तै, इन्द्रचोकबाट असन, इन्द्रचोकबाट भेडासिङ्ग, ज्याठाबाट त्यौड, ठहिटीबाट असन, कमलाक्षीबाट असन, महाबौद्धबाट असन, इन्द्रचोकबाट वंटुसम्म चारपाङ्ग्रे सवारीसाधन प्रवेशलाई निषेध गरिएको छ । नियम उल्लङ्घन गर्ने सवारी साधनलाई रु ५०० देखि एक हजारसम्म जरिवाना समेत तोकिएको छ । 

काठमाडौँ महानगरभित्रका १७, १८, १९, २२, २४, २५, र २७ वडा ऐतिहासिक, सांस्कृतिक एवं पुरातात्विक विश्वसम्पदाले भरिपूर्ण भएकाले यहाँको मौलिकता एवं पहिचानलाई जीवन्तता दिन र बाहिरी पर्यटकलाई यी सम्पदाहरुको अवलोकन गर्न आउँदा पर्ने अप्ठ्यारो तथा स्थानीय व्यापार गर्न तथा पैदलयात्रुलाई पर्न गएको असुविधालाई मध्यनजर राख्दै महानगरीय ट्राफिक प्रहरी तथा महानगरले यो अभियान ल्याएको हो । आकस्मिक अवस्थामा भने चारपाङ्ग्रे सवारीसाधन प्रवेश गर्न दिइनेछ । एम्बुलेन्स, दमकल, वृद्धवृद्धा तथा बालबालिकाको हकमा भने यो नियम लागू हुनेछैन । 

कार्यक्रममा महानगरका कार्यकारी प्रमुख धनीराम शर्माले महानगरको सांस्कृतीक एवं पुरातात्विक सम्पदाको संरक्षणको लागी चारपाङ्गे सवारीसाधन आगमनमा रोक लगाउन आवश्यक रहेको बताएका छन् ।

त्यस्तै महानगरीय ट्राफीक प्रहरी महाशाखाका प्रहरी निरीक्षक विदुर कुमार शर्माले भित्री सडकमा हिँड्ने पैदल यात्रुको असहजा हटाउन चारपाङ्गे सवारीसाधन प्रवेश हटाउन आवश्यक रहेको बताएका छन् । 
 

सम्बन्धित समाचार

नयाँ जनशक्ति उत्पादन गर्न महानगरले थाल्यो ‘करिअर क्याम्प’ 

काठमाडौं । काठमाडौँ महानरपालिकाको सहरी योजना आयोगले नयाँ  विद्यार्थी जनशक्तिलाई व्यावहारिक कार्यकुशलताको लागि अवसर प्रदान गर्ने भएको छ । महानगरले वर्षमा दुईवटा करिअर क्याम्प सञ्चालन गर्नलागेको हो ।  भर्खर स्नातक पास

कामपा घर मापदण्डमा ल्याउन निवेदनको चाङ

काठमाडौँ । पहिले नै निर्माण भएका तर निर्माण मापदण्ड नमिलेका घरलाई नियमित गर्न निवेदन दिने निवेदकको काठमाडौँ महानगरमा चाङ लाग्न थालेको छ । करीब तीन महिनाअघि कामपाले निर्माण भएका तर

झण्डै चारसय युवालाई इलम दिँदै बुटवल उपमहानगर

बुटवल / बुटवल उपमहानगरपालिकले ‘मेयर युवा इलम’ कार्यक्रमअन्तर्गत करीब चारसय युवालाई लक्षित गरी युवा स्वरोजगार तालीम शुरु गरेको छ । पहिलो चरणमा बुटवलका १९ वटै वडाका ३६५ युवालाई इलम सिकाइने

वीरगन्ज महानगरका अधिकृतसहित तीनजना घुस रकमसँगै अख्तियारको नियन्त्रणमा

वीरगन्ज।  वीरगन्ज महानगरपालिकाको शिक्षा शाखाका अधिकृतसहित तीनजना अख्तियारको नियन्त्रणमा परेका छन्। विद्यालयलाई अनुमतिका लागि घुसबापत लिएको एक लाख रुपैयाँसहित अख्तियारको टोलीले बिहीबार उनीहरूलाई पक्राउ गरेको हो।  पक्राउ पर्नेमा शाखा अधिकृत मन्जुर