पहिलो पटक श्रीलंकाको ‘नागरिक वीरता स्वर्ण पदक’ नेपाली नागरिकलाई 

खरीबोट
ad

काठमाडौँ । नेपाली नागरिक लक्ष्मीसुन्दर गाइन्जू श्रीलंकामा ‘नागरिक वीरता स्वर्ण पदक’द्वारा सम्मानित भएका छन् । 

गाइन्जूलाई श्रीलंकाको राजधानी कोलम्बोमा बुधबार आयोजित विशेष समारोहमा त्यहाँका सभामुख करु जयसूर्याले सम्मान गरेका हुन् । सो सम्मान पाउने गाईन्जू पहिलो नेपाली नागरिक हुन् । 

नेपालमा विसं २०७२ वैशाख १२ गते गएको भूकम्पमा आफ्नो ज्यानको परवाह नगरी सर्वसाधारणको उद्धार गरे बापत गाइन्जूलाई सो पदकद्वारा सम्मानित गरिएको हो । गाईन्जूले उक्त दिन भक्तपुरको जेँला टोलमा भूकम्पले घर भत्किएर च्यापिएका आठ परिवारका २१ जनाको जीवितै उद्धार गरेका थिए । उनी भूकम्पपछि निरन्तर पीडितको सेवामा खटिँदै आएका छन् । 

‘गाइन्जूको काम साँच्चै नै प्रशंसनीय छ र त्यो अरुलाई पनि उत्प्रेरित गर्ने उदाहरण बनोस् भनेर पदक प्रदान गर्न पाउँदा आफूलाई ठूलो सन्तोष मिलेको छ,’ सभामूख जयसूर्याले भने । 

उक्त कार्यक्रममा मनोनयनकर्ताका तर्फबाट विशेष रुपमा आमन्त्रित डा दिनेशराज भुजुले नेपालमा आएको भूकम्प र त्यतिखेर स्वयंसेवी युवाले पूर्याएको थुप्रै उदाहरण भएको बताए । ‘गाइन्जू ती असल र हिम्मति युवाहरुको प्रतिनिधि पात्र हुन्,’ उनले भने । 

विश्वका विभिन्न देशमा बेला–बखतमा प्राकृतिक बिपद्हरु आइरहने र त्यस्तो अवस्थामा स्वयंसेवाको भावनाले उत्प्रेरित भएर ज्यान बचाउन लागिपर्ने असल नागरिकको सम्मान गर्ने परम्परा बसाउन बिगत पाँच वर्षदेखि सो पुरस्कार प्रदान गरिँदै आएको नागरिक वीरता संस्थाका संस्थापक अध्यक्ष कसुन चन्द्ररत्नेले बताए । यसअघि उक्त पदकबाट माल्दिभ्स र पाकिस्तानका नागरिकलाई सम्मान गरिएको थियो । 

‘भूकम्पको बेला पीडितको उद्धार गर्न जाँदा मैले यस्तो पदकबाट विभूषित हुनेछु भनेर कहिले आश गरेको थिइनँ, त्यस्तो विचारले काम गरेको पनि होइन । त्यतिबेला मनमा धेरै मानिसको ज्यान बचाउने सोच मात्र थियो,’ सम्मानित भएपछि गाइन्जूले भने । 


सो अवसरमा सगरमाथाको सफल आरोहण गर्ने पहिलो श्रीलंकाली महिला जयन्ति कुरु–उतुम्पलाई समेत सम्मान गरिएको थियो । कार्यक्रममा श्रीलंकाका सांसद, श्रीलंकाका लागि नेपालका राजदूत, पूर्व मन्त्रीहरु, कलाकार, प्राध्यापकलगायतको उपस्थिति रहेको थियो ।

सम्बन्धित समाचार

शिक्षामा पुर्याएको योगदानबापत कार्कीको सम्मान गर्दै फेसबुक

काठमाडौँ । फेसबुक कम्युनिटी लिडरसिप प्रोग्राम २०१८ अन्तर्गत फेसबुकले संखुवासभा जिल्लाका सूर्य कार्कीलाई सामुदायिक शिक्षामा पुर्याएको योगदानको उच्च मुल्याङ्कन गर्दै सम्मान गर्ने भएको छ । कार्की हाल युनाइटेड वर्ल्ड स्कुल्स नेपालका संस्थापक, क्षेत्रीय

के छोरीलाई सम्मानपूर्वक बाँच्न पाउने हक छैन ?

काठमाडौँ। छोरीहरुको लागि कसले दिने सुरक्षा ? आफन्तहरुबाटै डर छ । सरकारले बलात्कारको कारण पुजीँवादलाई दिन्छ । घटना भएको दुई महिनाभन्दा बढी बितिसक्दा र आम नागरिक सडकमा ओर्लिसक्दा पनि सरकार अपराधी

३९औं विश्व पर्यटन दिवस : सिमरा विमानस्थलमा यात्रुलाई सम्मान

बारा । काठमाडौंबाट सिमरा आउने पहिलो विमानका सम्पूर्ण यात्रुहरुलाई बाराको सिमरा विमानस्थलमा बिहीबार सम्मान गरिएको छ ।  ३९औं विश्व पर्यटन दिवसको अवसरमा होटल तथा पर्यटन व्यवसायी संघ बाराले यात्रुहरुलाई स्वागतस्वरुप आज

निजगढ विमानस्थलबारे जायज सुझावको सम्मान गर्छौं : मन्त्री बस्नेत

काठमाडौँ । वन तथा वातावरण मन्त्री शक्तिबहादुर बस्नेतले बाराको निजगढमा प्रस्तावित अन्तर्राष्ट्रिय विमानस्थल निर्माणबारेका सकारात्मक चासोको सम्मान गर्दै कमभन्दा कम वातावरणीय क्षतिमा विमानस्थल निर्माण गरेरै छाड्ने बताएका छन् । प्रतिनिधिसभाको कृषि,


z