उच्च अदालत भएका ठाउलाई प्रदेशको अस्थायी मुकाम तोक्ने सरकारको तयारी  

खरीबोट
ad

काठमाडौँ । लामो समयदेखि निर्णय हुन् नसकेको प्रदेश प्रमुख र प्रदेशको अस्थायी मुकाम आज तोकिने भएको छ । 

प्रदेश प्रमुख र प्रदेशको अस्थायी मुकाम तोक्ने प्रमुख एजेन्डाका साथ आज अपराह्न मन्त्रिपरिषद बैठक बस्ने भएको छ । 

आजको बैठकमा सरकारले प्रदेश प्रमुखसँगै प्रदेशको कार्यसञ्चालनका लागि अस्थायी कार्यालय पनि तोक्ने तयारी गरेको छ । प्रदेशको अस्थायी राजधानी तोक्दा आन्दोलन चर्कन सक्ने भएकाले कार्यसञ्चालनका लागि अस्थायी कार्यालय मात्र तोक्ने तयारीमा सरकार रहेको छ । हाल उच्च अदालत रहेका ठाउलाई आधार मानी सोहि ठाउँमा अस्थायी कार्यालय खोल्ने लगभग तय भएको छ ।

हाल उच्च अदालत प्रदेश १ मा विराटनगर, प्रदेश नम्बर २ मा जनकपुर, प्रदेश ३ मा पाटन, प्रदेश ४ मा पोखरा, प्रदेश ५ मा दाङको तुलसीपुर, प्रदेश ६ मा सुर्खेत र प्रदेश ७मा दिपायल रहेका छन् । 

यसअघि सरकारले सातवटै प्रदेशको कार्यसञ्चालन गर्न काठमाडौंमै अस्थायी कार्यालय तोक्ने गृहकार्य गरेको थियो । यस्तो तयारीप्रति राष्ट्रपति विद्यादेवी भण्डारीसहित राजनीतिक दलभित्रैबाट विरोध भएपछि सरकारले हरेक प्रदेशअन्तर्गत उच्च अदालत भएका ठाउँमा अस्थायी कार्यालय तोक्न लागेको हो ।

प्रधानमन्त्री देउवाले सात प्रदेश प्रमुखमध्ये चारवटामा सहमति जुटाइसकेका छन् । तीनवटा प्रदेश प्रमुखका लागि एमाले र माओवादी केन्द्रसँग छलफल गरेर अन्तिम टुंगो लगाउने तयारी उनको छ । यसका लागि मंगलबार बिहान प्रधानमन्त्री देउवाले एमाले र माओवादीसँग अनौपचारिक छलफल गर्दै छन् ।

देउवाले मंगलबार बिहान आन्तरिक छलफल गर्न कांग्रेसका शीर्ष नेताको बैठक पनि बोलाएका छन् । 
 

सम्बन्धित समाचार

मुख्यमन्त्री पोखरेलको दशैं शुभकामना : सङ्घीयता कार्यान्वयनमा जोड

बुटवल। प्रदेश नं. ५ का मुख्यमन्त्री शङ्कर पोखरेलले व्यक्ति, परिवार र समाजलाई जोड्ने मौलिक पर्वका रुपमा दशैँ स्थापित रहेको बताउएका छन् ।  मुख्यमन्त्री पोखरेलले नेपालीहरुको महान् पर्व विजयादशमीको अवसरमा आज शुभकामना

मुख्यमन्त्री राईको दशैँको शुभकामना : राष्ट्रिय एकता कायम गर्नमा महत्वपूर्ण योगदान 

विराटनगर। प्रदेश नं १ का मुख्यमन्त्री शेरधन राईले नेपालीको महान् चाड बडादशैँको सुखद अवसरमा स्वदेश तथा विदेशमा रहनुभएका सम्पूर्ण नेपाली दाजुभाइ तथा दिदीबहिनीमा सुख, शान्ति, समृद्धि एवम् उत्तरोउत्तर प्रगतिका लागि

प्रदेशका कर्मचारीले तलबभत्ता पाएनन्

जिरी। प्रदेश माताहातका कर्मचारीले तलबभत्ता नपाएपछि दशैँ मान्न ऋण खोज्न थालेका छन् ।  टाढाटाढाका कर्मचारी उल्टै घरबाट खर्च मगाएर बसको टिकट काटेर घर गएका छन् । जागीर खाएर लिएको तलबभत्ताले घरमा

'विधेयकको अभावमा काम अघि बढ्न सकेन'

बुटवल / नेपाल कम्युनिष्ट पार्टी प्रदेश नं ५ संसदीय दलका प्रमुख सचेतक भूमिश्वर ढकालले कानून अभावका कारण कार्यान्वयनमा जटिलता देखिएको बताएका छन् ।  आज रुपन्देहीको सैनामैनामा आयोजित दशैँ तथा दीपावलीको शुभकामना आदानप्रदानमा


z