मन्त्री भण्डारीद्वारा मन्त्रालयका कार्ययोजना सार्वजनिक

खरीबोट
ad

सुर्खेत । प्रदेश नं ६ आन्तरिक मामिला तथा कानून मन्त्री नरेश भण्डारीले मन्त्रालय सुधारको कार्ययोजना सार्वजनिक गरे । 

मन्त्रालयमा पत्रकार सम्मेलन गरी मन्त्री भण्डारीले मन्त्रालय सुधारका लागि तीनवटा योजना सार्वजनिक गरेका हुन् । मन्त्री भण्डारीले समृद्धिका लागि शान्ति सुरक्षा, डिजिटल प्रदेश निर्माण र कानून मस्यौदासम्बन्धी कार्यदल निर्माण योजना सार्वजनिक गरे । 

सार्वजनिक गरिएका योजनाअन्तर्गत ४० वटा बुँदा रहेका छन् । मन्त्री भण्डारी प्रदेश नं ६ का मन्त्रालयमध्ये मन्त्रालयको कार्ययोजना सार्वजनिक गर्ने पहिलो मन्त्री भएका छन् । 

प्रदेश नं ६ प्रहरी कार्यालयका प्रहरी नायब महानिरीक्षक सुरेशविक्रम शाहको संयोजकत्वमा पाँच सदस्यीय कार्यदल, आन्तरिक मामिला तथा कानून मन्त्रालयका उपसचिव भक्तबहादुर कार्कीको संयोजकत्वमा डिजिटल प्रदेश निर्माण कार्यदल र मन्त्रालयका कानून अधिकृत तुलसा गैरेको संयोजकत्वमा कानून मस्यौदासम्बन्धी कार्यदल गठन गरिएको मन्त्री भण्डारीले जानकारी दिए । 

समृद्धिका लागि शान्ति सुरक्षाअन्तर्गत प्रदेशलाई समृद्ध बनाउन १५ दिनभित्र पर्यटन प्रहरीको व्यवस्था गर्ने, हरेक गाउँपालिका तथा नगरपालिकाका वडामा सुरक्षा समिति गठन गर्ने, सरकारी तथा गैरसरकारी संस्थामा जागिर गर्न हरेक व्यक्तिको चालचलन रिपोर्ट अनिवार्य बनाउने, सवारी अनुमतिबिना सञ्चालित सवारी साधनको रोकथामका लागि स्थानीय तहसँग आवश्यक समन्वय गर्नेजस्ता बुँदा रहेका छन् । 

त्यस्तै डिजिटल प्रदेश निर्माणअन्तर्गत प्रदेश नं ६ का १० वटै जिल्लामा प्रदेशबाट हेर्ने गरी सिसी क्यामेरा जडान गर्ने, हाल रहेका २१६ प्रहरी एकाइमा सञ्चार उपकरणको पर्याप्त व्यवस्था गर्ने, जाजरकोट, सल्यान र रुकुम जिल्लामा प्रहरी सञ्चारका लागि रिपिट टावरको व्यवस्था गर्ने, प्रदेशमा रहेका विशिष्ट व्यक्तिको आवागमन, निवास, कार्यक्रमस्थलमा जानकारी लिन सञ्चार प्रविधि जोड्ने, कर्णाली राजमार्ग तथा काठमाडौँ जाने ठूला बसमा जिपिएस जडान गर्ने, लगाएका योजना रहेको मन्त्री भण्डारीले बताए । 

त्यस्तै कानून मस्यौदासम्बन्धी कार्यदलअन्तर्गत समृद्धिका लागी नमूना प्रदेश निर्माण गरिने जानकारी दिए । सुरक्षित प्रदेश सुरक्षित राजधानी बनाउनुपर्ने भएकाले सबैभन्दा पहिला शान्ति कायम हुनुपर्ने मन्त्री भण्डारीको भनाइ छ । 

शान्ति नहुने ठाउँमा समृद्धि नहुने भन्दै मन्त्री भण्डारीले समृद्ध प्रदेश निर्माणका लागि विशेष सुरक्षा योजना लागू गरिने बताए । यही फागुन १९ गते प्रदेशभरिका सबै प्रहरी एकाइमा समृद्धिका लागि सुरक्षा योजना उद्घाटन गरी लागू गरिने जानकारी दिए । अब प्रदेशका आवश्यकताका आधारमा प्रदेश कानून बनाउने बताए ।

सम्बन्धित समाचार

‘प्रदेश सरकार समावेशी बन्न सकेन’

सुर्खेत । प्रदेश नं ६ का सांसदले प्रदेश सरकार समावेशी नभएको गुनासो गरेका छन् ।  समावेशीको कुरा गर्ने वाम गठबन्धनको सरकार बने पनि समावेशी बन्न नसकेको सांसदले आरोप लगाएका छन् ।

प्रदेश नं ६ को पहिलो मन्त्रिपरिषद् बैठकद्वारा २१ निर्णय पारित [हेनुहोस्]

सुर्खेत । प्रदेश नं ६ प्रदेशको मन्त्रिपरिषद्को पहिलो बैठक आज बसेको छ ।  नयाँ मन्त्रिमण्डल गठन भएपछि प्रदेश नं ६ को मन्त्रिपरिषद्को पहिलो बैठक आज बसेको हो । आज बसेको मन्त्रिपरिषद् बैठकले २१

प्रदेश नं ६ मा मन्त्रिपरिषद् विस्तार, को को भए मन्त्री?

सुर्खेत । प्रदेश नं ६ का मुख्यमन्त्री महेन्द्रबहादुर शाहीले आज मन्त्रिपरिषद् विस्तार गरेका छन् ।  सत्ता साझेदार दल नेकपा एमाले र माओवादी केन्द्र बीच मन्त्रालयको भागबण्डा नमिल्दा रोकिएको मन्त्रिपरिषद् विस्तारलाई मुख्यमन्त्री

प्रदेश नं ६ मा मन्त्रालय बाँडफाँडको टुङ्गो लाग्यो

सुर्खेत ।  प्रदेश नं ६ मा वाम गठबन्धनका दुई दलबीच मन्त्रालय भागबण्डा टुङ्गो लागेको छ ।  मन्त्रालयको भागबण्डा टुङ्गो लागेपछि मुख्यमन्त्री महेन्द्रबहादुर शाहीले भोलि सरकार गठनको तयारी गरेका छन् । मन्त्रालयको विवाद समाधान भएपछि