यात्रुबाहक सुपरसोनिक विमानको परिक्षण

kharibot

काठमाडौँ । कोनकोर्ड रिटायर्ड भएको लगभग दुई दशक पछि यात्रु उडान गर्नसक्ने सुपरसोनिक विमान फेरी संचालनमा आउने भएको छ । गत सोमबार यस उत्साहको एक झलक देखिएको छ, जब विमान निर्माता बम्बार्डियरले आफ्नो नयाँ व्यापारीक जेटको सुरुवात गर्दै यसको उच्च गति बारे जानकारी दियो ।

क्यानाडाली कम्पनीले बन्ने क्रममा रहेको ग्लोबल ८००० 'विश्वको सबभन्दा छिटो र लामो दूरीको उद्देश्यले निर्मित व्यापारिक जेट' हुने बताएको छ ।

१९ यात्रु सम्मको क्षमता, ८,००० समुद्री माइल (१४,८०० किलोमिटर) को दायरा र म्याच ०.९४ को उच्च गतिको साथ, आगामी विमान २०२५ मा सेवामा प्रवेश गर्ने अपेक्षा गरिएको बम्बार्डियरले उल्लेख गरेको छ ।

ग्लोबल ७५०० परीक्षण सवारी साधनले गत मे मा प्रदर्शन उडानको क्रममा ध्वनि अवरोध तोडेको थियो, म्याच १. ०१५ भन्दा बढी गति हासिल गरेपछि यो समाचार बाहिर आएको हो ।

बम्बार्डियरले यो विमान, नासा एफ/ए-१८ चेस प्लेनको साथमा, उडानको परिणाम स्वरूप दिगो उड्डयन इन्धनको साथ सुपरसोनिक उडान गर्ने पहिलो यातायात श्रेणीको विमान हुने बताएको छ ।

विमान निर्माता कम्पनि बम्बार्डियरले भनेको छ- 'ग्लोबल ८००० एयरक्राफ्टले ग्लोबल ७५०० विमानको उत्कृष्ट विशेषताहरूको लाभ उठाउँछ, हाम्रा ग्राहकहरूलाई नयाँ युगको फ्ल्यागशिप विमान प्रदान गर्दछ ।

ग्लोबल ८००० को लागि उडान परीक्षण ग्लोबल ७५०० उडान-परीक्षण वाहनहरूमा पहिले नै सुरु भइसकेको छ । बम्बार्डियरका अनुसार आगामी विमानमा २,९०० फिट बराबरको क्याबिन उचाइ हुनेछ ।

कोनकोर्ड रिटायर्ड भएको दुई दशकभन्दा बढी समयपछि यात्रुवाहक विमानको गति बढाउने असंख्य प्रयासहरूमध्ये ग्लोबल ८००० एउटा मात्र हो ।

गत वर्ष, युनाइटेड एयरलाइन्सले १५ सुपरसोनिक जेट किन्न सम्झौता गरेपछि २०२९ मा सुपरसोनिक रुटहरू उपलब्ध गराउने घोषणा गरेको थियो ।

यसैबीच, कोलोराडोमा आधारित बूम सुपरसोनिकले ६५ र ८८ मानिसहरूको बीचमा सिट गर्न डिजाइन गरिएको ओभरचर जेटको लागि प्रोटोटाइप विमान एक्स-बि१ मा ग्राउन्ड परीक्षण पूरा गरिरहेको छ, जसले ५०० भन्दा बढी मुख्यतया ट्रान्ससेनिक मार्गहरूमा उडान गर्ने लक्ष्य राखेको छ । यसको गति म्याच २.२ हुने बताइएको छ ।

दुर्भाग्यवश, फ्लोरिडा-आधारित उड्डयन स्टार्टअप एरियन गत वर्ष एरिओन एएस३ नामको म्याच ४+ कमर्शियल एयरलाइनरको लागि योजनाहरू घोषणा गरेपनि यो भने शूरु हुन सकेन । 
 

सम्बन्धित समाचार