काठमाडौँ । चीनका पुर्व राष्ट्रपति जियाङ जेमिनको निधन भएको छ । चिनियाँ समाचार एजेन्सी सिन्ह्वाका अनुसार जेमिनको ९६ बर्षको उमेरमा बुधबार निधन भएको हो ।
जेमिनको मल्टिपल ओर्गान फेलियरबाट निधन भएको सिन्ह्वाले जानकारी दिएको छ ।
जेमिन १९९३ जुन २४ १९८९ देखि नोभेमब्र १५ २००२ सम्म चिनियाँ कम्युनिष्ट पार्टीको महासचिव बनेका थिए भने १९९३ देखि २००३ सम्म चीनको राष्ट्रपति बनेका थिए । उनी १९९६ मा नेपाल भ्रमणमा समेत आएका थिए ।
उनको कार्यकालमा चीनले आर्थिक विकास र बजार विस्तारमा उलेख्य सफलता हासिल गरेको मानिन्छ ।
उनकै कार्यकालमा बेलायतबाट हङकङलाई अलग गरिएको थियो भने मकाउलाई पोर्चुगलबाट अलग गरिएको थियो ।
यद्यपी उनको कार्यकालमा चीनमा मानवअधिकार उलंघनका घटना धेरै भएको भन्दै उनको आलोचना पनि भएको थियो ।
उनी पछि चिनियाँ कम्युनिष्ट पार्टीको नेतृत्वमा हु जिन्ताओ आएका थिए ।