- २०८१ बैशाख १५ शनिबार
काठमाडौँ । अहिले डिजिटलको जमाना बढ्दै गएपछि किताब पढ्ने बानी हराउदै गएको छ । जानकारीको लागि मात्र होइन किताब पढ्नु स्वास्थ्यको लागि पनि लाभदायिक हुन्छ ।
जतिसुकै महान मान्छे किन नहोस सबैको लागि किताब उपयोगी हुन्छ । सबै स्तरका मानिसका लागि किताब पढ्नु फाइदाजनक हुन्छ । कहिलेकाहीँ सुनिन्छ सुत्नु भन्दा अगाडि राम्रो किताब पढ्न आवश्यक छ । समयले साथ दिएसम्म किताब पढ्नु राम्रा् कुरा हो ।
किताब पढ्ने बानीले पहिलो कुरा त हाम्रो जानकारी बढ्छ, साथै बौद्धिक क्षमतामा पनि बृद्धि हुन्छ । दोस्रो हामीलाई शारिरिक रुपमा पनि धेरै फाइदा मिल्छ । यस्ता फाइदा हामीले कहि कतै किनेर हाँसिल गर्न सक्दैनौं केवल पढेर मात्र तपाईले प्राप्त गर्न सक्नुहुन्छ ।
किताब पढेर प्राप्त गर्ने लाभहरु धेरै छन् :
सहानुभुतिको विकास गर्न :
किताब पढ्ने बानीले हामी भित्र मानिसप्रति सहानुभुति विकास हुन्छ र यसले हामीमा सामाजिक सेवाको भावना जागृत गर्दछ । हामी हाम्रो वरपरका मान्छेहरुप्रति संवेदनशिल हुन पुग्दछौं । किनभने किताब पढ्दा हामीले अर्को पक्षलाई पनि पढ्न पुग्छौ । यसकारण हामी एकै चिजको धेरै किसिमबाट हेर्न, प्रयोग गर्न सिक्दछौ । साथै मानिसको साथै हाम्रो सम्बन्धमा पनि फाइदा हुन पुग्छ ।
अनुभव आफैमा लागु गर्न
जव तपाई कुनै महान व्यक्तिको जीवनी तथा लेखकद्धारा लेखिएको आख्यान पढ्नुहुन्छ, उसको जीवनी तथा आख्यानले तपाई धेरै कुरा सिकाउछ । यसले तपाईको जीवनमा आउने कुनै पनि प्रकारको समस्यामा तपाईलाई कितावमा बताए अनुसारको अनुभवलाई आफुमा लागु गर्न कोशिश गर्न सक्नुहुन्छ । यसैले हामीलाई आफ्नो समस्याको हल गर्नको लागि धेरै कुराको मदत मिल्दछ । यसको साथै तपाईलाई नयाँ नयाँ चुनौतिको सामाना गर्ने प्ररणा पनि मिल्दछ ।
तनावबाट आराम
जव तपाई राम्रो किताव पढ्नुहुन्छ, तव यसले तपाईको मनलाई आनन्द महशुस हुन्छ र तनावबाट आराम मिल्दछ । यो वैज्ञानिक रुपबाट पनि साबित भएको छ नियमित रुपमा केही समय किताब पढ्नाले तपाईलाई तनाव कम गर्नमा मदत मिल्दछ । यसले तपाइको हृदयको गतिलाई पनि कम गर्दछ ।
