- २०८१ बैशाख १४ शुक्रबार
काठमाडौँ । सन्दीप लामिछानेलाई खेलाउने बारे आफुहरु छलफलमै रहेको नेपाल क्रिकेट संघ (क्यान) का अध्यक्ष चतुर बहादुर चन्दले जानकारी दिएका छन् ।
क्यानले गरेको पत्रकार सम्मेलनमा बोल्दै अध्यक्ष चन्दले आइसीसीले सन्दीपलाई खेलाउने विषयमा नेपालको कानुनले अनुमति दिएमा अगाडी बढ्न स्वीकृति दिएको बताए ।
अध्यक्ष चन्दले संबेदनशील विषय भएकोले आफुहरु छलफलमै रहेको बताउदै यस विषयमा छिट्टै निष्कर्षमा पुग्ने बताए । उनले आफुहरुले सन्दीपलाई फेरी टिममा फर्काउने बारे सम्बन्धित निकायहरुको राय समेत लिइरहेको बताए ।
नाबालिक बलात्कारको आरोपमा पक्राउ परेका सन्दीप हाल पाटन उच्च अदालतले धरौटीमा रिहा गरेपछि अनौपचारिक रुपमा प्रशिक्षणमा रहेका छन् ।
